Хаартыска sakha.gov.ru ылылынна
Өрөспүүбүлүкэҕэ хороҕор муостааҕы, сылгыны быстах кэмҥэ тутарга сүүстэн тахса пууну бэлэмнээтилэр.
Тыа хаһаайыстыбатын министиэристибэтиттэн иһитиннэрбиттэринэн, 14 оройуон 54 нэһилиэнньэлээх пуунугар сүөһүнү, сылгыны быстах кэмҥэ тутарга 102 пуун баар . Маннык үлэ сааскы халааҥҥа бэлэмнэнии иитинэн ыытыллар.
Улуустарга тыа хаһаайыстыбаларын управлениеларын кытта сылгыны, сүөһүнү үүрэргэ бэлэмнэнэр үлэлэр ыытыллаллар, пууннары көрөллөр-истэллэр.
«Бүгүн 13 сиргэ 36 пууну көрдүбүт. Амма, Томпо, Таатта, Уус Маайа, Хаҥалас, Өлүөхүмэ улуустарыгар сүөһүнү, сылгыны үүрэн илдьиигэ бэлэмнэниилэр ыытыллаллар. Тэрээһини муус устар 25 күнүгэр диэри түмүктүүр былааннаахпыт«, — диир Тыа хаһаайыстыбатын миниистирэ Александр Атласов.
Улуустарга тыа хаһаайыстыбатын управлениелара сааскы халааҥҥа бэлэмнэнэн, ГСМ, сүөһү аһылыгын, от саппааһын, о.д.а. наадалаахтарын көрүнэллэр. Эвакуциялыыр сирдэри бэлэмнииллэр. Сүөһүнү, сылгыны быстах тутар пууннарга сааскы халааҥҥа бэлэмнэнэн 1760 туонна от, 10 туонна комбикорм, 12 туонна сүөһү эбии аһылыга хаһааныллыа.
Тыа хаһаайыстыбатын исписэлиистэригэр үөрэтэр анал сэминээрдэр ыытыллаллар. Маны сэргэ, тыа хаһаайыстыбатын эбийиэктэригэр баһаартан куттал суох буолуутугар быраабыланы тутуһарга, куурбут оту, хадьымалы өртөөһүн, уматыы бобулларын туһунан өйдөтөр, быһаарар үлэлэр биир сүрүн хайысханан буолаллар.
СӨ Ил Дарханын уонна Бырабыыталыстыбатын пресс-сулууспата
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…