Сыгынньах уулуссаҕа хаамыталаабыт эр киһини туттулар

Билигин эр киһиэхэ полицейскайдар  административнай боротокуолу толордулар.

Ол курдук, бэс ыйын 24 күнүгэр,   11:48 ч. полиция 2-с нүөмэрдээх отделыгар  Стадухин уул.  баар маҕаһыын таһыгар сыгынньах эр киһи сылдьарын туһунан иһитиннэрии киирбит.  Миэстэтигэр   патрульнай-постовой сулууспа үлэһиттэрэ тиийбиттэр.  Полицейскайдар  34 — 38 саастаах үс эр киһини тутан отделга аҕалбыттар.

Мэдиссиинискэй көрүү түмүгэр биллибитэ, эр дьон итирик туруктаахтара быһаарыллыбыт.

Икки эр киһиэхэ «Появление в общественных местах в состоянии опьянения» диэн,   оттон биирдэригэр  «Мелкое хулиганство» диэн административнай матырыйааллар оҥоһуллубуттарын туһунан Ис дьыала министиэристибэтин Дьокуускайдааҕы салаатын пресс-сулууспата иһитиннэрдэ.

https://t.me/mumvdyakutskoe/2874