Хаартыска: Роспотребнадзор
Нерюнгри оройуонугар Олоҥхо ыһыаҕын кэмигэр сальмонеллеһынан маассабай сүһүрүү түбэлтэтэ таҕыста. “Роспотребнадзор” иһитиннэриитинэн, 50-тан тахса киһи эмсэҕэлээбитэ билиннэ. Бу сыыппара, баҕар, өссө эбиллэр кэриҥнээх. Бу ыарахан ыарыыга ылларбыт дьон сокуон өттүнэн туох көмүскэллээхтэрий?
РФ Үлэҕэ кодексыгар үлэҕэ эчэйии (производственная травма) туһунан испииһэгэр маннык эчэйиилэр киирэллэр:
—эт-хаан эчэйиитэ (ол иһигэр кырбаныы);
— уокка сиэтии, үлүйүү;
— куйааска, күҥҥэ оҕустарыы;
— сүһүрүү;
— ууга тимирии;
— уокка оҕустарыы;
— оһолго түбэһии, о.д.а.
Үлэҕэ эчэйии диэн үлэ кэмигэр үлэлии сылдьан, эбэтэр, командировкаҕа сылдьан доруобуйаҕа охсууну ылыы ааттанар.
Үлэ кодексын 166-с ыстатыйатынан, үлэһит командировкаҕа сылдьан, эчэйиини ылбыт буоллаҕына, “үлэҕэ эчэйии” диэн ааҕыллар. Ол эрээри, кыра “ноолоох”.
Үлэһит командировкаҕа үлэлии сылдьан эчэйбит эрэ буоллаҕына, “үлэҕэ эчэйии” диэн ааҕыллар. Онтон командировка кэмигэр үлэ кэнниттэн, киэһэ сынньана, доҕотторун кытта көрсүһэ сылдьан, эчэйбит буоллаҕына, маннык түгэн ааҕыллыбат. Онон ону дакаастыан наада.
Командировкаҕа сылдьан, үлэһит үлэтигэр баран иһэн (айаҥҥа), эбиэт кэмигэр эчэйбит буоллаҕына, “үлэҕэ эчэйии” быһыытынан ааҕыллар.
Эмсэҕэлээччигэ туох толуйуу баарый?
Хаачыстыбата суох астан маассабай сүһүрүү таҕыстаҕына, “Роспотребнадзор” инфекцияны тарҕаппат туһуттан, чинчийии ыытан, түргэн миэрэлэри ылынар. Быраас тута “Роспотребнадзорга” биллэриэхтээх.
Эмсэҕэлээбит киһи, бастатан туран, булгуччу балыыһаҕа көрдөрүөхтээх уонна “больничнай лиис” ылыахтаах. Үлэни биэрээччи “больничнайы”, «суточнайы» төлүүр.
Оттон харчынан толуйууну үлэни биэрээччи буолбакка, остолобуой салалтата төлүөхтээх.
Үлэһит туох төлөбүрү ылыан сөбүй?
—эмп атыыласпыт, эмтэммит ороскуотун (чиэктэрэ баар буолуохтаах);
— кыайан үлэлээбэт кэмигэр куоттарбыт дохуотун (компенсация за потерянный заработок) толуйууну;
— өй-санаа өттүнэн (моральный вред) эмсэҕэлээбитин толуйууну (маны суут быһаарар).
Бастаан остолобуой салалтатыгар ороскуоту толуйар туһунан “претензия” суруйаҕыт уонна дакаастыыр докумуоннары ыытаҕыт.
Өскөтүн остолобуой салалтата эмсэҕэлээһини толуйууттан аккаастанар буоллаҕына, “Роспотребнадзорга” үҥсүү суруйаҕыт, эбэтэр, суукка сайабылыанньаны биэрэҕит.
Манна сүһүрүүнү дакаастыыр мэдиссиинэ докумуоннарын, эмп атыылаһыллыбыт чиэктэрин, төлөбүрдээх эмтэнии чиэктэрин, остолобуой чиэгин (баар буоллаҕына) сайабылыанньаны кытта бииргэ бэриллэр.
Сүһүрүү туһунан манна ааҕыҥ:
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…