Сыл аҥарыгар тимир суолунан 182 тыһыынчаттан тахса киһи айаннаата

Быйылгы сыл бастакы аҥарыгар «Саха сирин тимир суоллара» тэрилтэ вагоннарынан 182,8 тыһ. киһи айаннаата. Ол аата ааспыт сылы кытары тэҥнээтэххэ, 45% улахан. Бу туһунан «Саха сирин тимир суоллара» АХ бу күннэргэ иһитиннэрдэ.

Дьону таһыы көрдөрүүтэ быйыл, хаһааҥҥытааҕар даҕаны, улааппыт. Маннык көстүүнү салгын суолунан билиэт сыаната үрдээһининэн уонна сөмөлүөтүнэн көтүү уустугурбутунан быһаарыахха сөп.

Сайын барыы-кэлии үгэннээн турар кэмигэр «Саха сирин тимир суоллара» АХ тимир суолунан айанныырга билиэттэри бэйэтин уонна «Федеральнай пассажирскай хампаанньа» АУо каассаларыттан ылыахха сөп диэн сүбэлиир. Дьокуускайга каассалара:. Ленин пр., 24, 1 этээскэ баар.