Хаартыска Марта Николаева түһэриитэ.
Бүгүн, тохсунньу 1 күнүгэр, Арчы дьиэтигэр ньиргиэрдээх оһуокай уҕараабата. Арай, маннык оһуокай ыһыахтарга эрэ буолара буолуо.
Саҥа сыл бастакы оһуокайа олус тэрээһиннээхтик, өрө көтөҕүллүүлээхтик ааста. Алгыһы Намтан үтүөлээх этээччи Семен Алексеев Үрүҥ Аар Тойон баһылыктаах Айыыларга сүгүрүйэн, амарахчай санаалаах ахтар Айыыһыттан эйэни, дьолу көрдөһөн алҕаата. Алгыс кэнниттэн түһүлгэни Дархан этээччи Валентин Хорунов мэлдьи буоларын курдук, бар дьонугар олус табыллан, иэйэн-куойан туран эттэ. Валентин дойдутугар Сиэйэҕэ сынньанан, ыанньыйан кэлэн, олус үчүгэйдик эттэ. Кэлбит дьон бары киирэн оһуокайдаан сүргэтэ көтөҕүлүннэ. Санаалара көтөҕүллүбүт дьон аны Данил Пестряков тэрийбит спортивнай күрэҕэр көхтөөхтүк киирэн кытынна. Сыал быраҕыытыгар дьахталларга Лариса Попова, эр дьоҥҥо Бүлүүттэн үтүөлээх этээччи Геннадий Харлампьев таба быраҕан бастааннар, кыайыы өрөгөйүн биллилэр. Аны вальска пааралар күрэхтэрин күрэҕэр аҕыс паара үҥкүүлээн дайдылар.
Саҥа сылы уруйдаан, элбэх киһи ырыа ыллаан дуоһуйда. Ыҥырыллыбыт эстрада ырыаһыттарын сэргэ оһуокай бастыҥ ырыаһыттара Николай Софронов, Григорий Павлов, Аскалон Егоров кэрэ куоластарыгар уйдаран бар дьоммут үҥкүүгэ чэпчэкитик лыахтыы дайдылар.
18 чааска өссө да элбэх этээччи, ырыаһыт ыллаары хаалбыта. Данил Пестряков аны эр дьоҥҥо оһуокайы сэргэ, өссө биир саалаҕа күрэҕин ыытыахтаах. Айыыһыт сылын оһуокайдар дьэ итинник саргылаахтык көрүстүбүт.
Марта Николаева.
Манчаары оонньуулара буолара биэс хонук хаалбыт күнүгэр, Булуҥ сэлиэнньэтин олохтооҕо, Саха Өрөспүүбүлүкэтин уус-уран оҥоһуктарын маастара…
Нерюнгрига быйыл 18-с сылын ыытыллар Олоҥхо ыһыаҕар Чурапчыттан 120-н тахса киһилээх улахан дэлэгээссийэ кыттыыны ыла…
Бу күннэргэ Нерюнгри куоракка ыраахтан-чугастан дьон-сэргэ тоҕуоруста. Олоҥхо ыһыаҕар олорор, сылдьар усулуобуйа хайдаҕый? ''Амикан'' этнокомплекс…
Бүгүн, от ыйын 3 күнүгэр, Эркээни ытык хочотугар Билим аччыгый академиятын дьиэтигэр XXXII Норуоттар икки…
ИДьМ Алдан оройуонун полиция отделын участковайдара бырамыысыланнай тэрилтэҕэ үлэҕэ киирээри сымыйа докумуоннары туһаныы икки түбэлтэтэ…
Байыаннай дьайыы кыттыылааҕа Игорь Марсунов от ыйын 10-14 күннэригэр Южно-Сахалинскай куоракка УИФУо бэтэрээннэрин ортотугар ыытыллар…