«Сыл бастыҥ аҕатын» аатын иһин 19 хамаанда күрэхтэстэ

Дьокуускайга атырдьах ыйын 22-23 күннэригэр «Сыл бастыҥ аҕата» диэн өрөспүүбүлүкэтээҕи күрэхтэһии бастакытын ыытылынна. Тэрээһин Саха сиригэр Үлэ сыла биллэриллибитигэр ананна диэн СӨ үлэҕэ уонна социальнай сайдыыга министиэристибэтин пресс-сулууспата иһитиннэрэр.

Дьокуускайтан уонна уон улуустан барыта 19 хамаанда күрэхтэстэ: Алдантан, Намтан, Мэҥэ Хаҥаластан, Мииринэйтэн, Үөһээ Бүлүүттэн, Өлөөнтөн, Хаҥаластан уонна Чурапчыттан.

Хамаандалар сэттэ түһүмэҕи аастылар, ол иһигэр спортивнай уонна интеллектуальнай куонкурустар бааллар.

Миниистир Елена Волкова этэринэн, куонкурус сыллата ыытыллыан сөп. Манна диэн суруйдахха, тэрээһин Ил Дархан Айсен Николаев көҕүлээһининэн ыытылынна.