«Сыл дьиэ кэргэнэ» куонкурус кыайыылаахтара билиннилэр

Саха сиригэр «Сыл дьиэ кэргэнэ» куонкурус өрөспүүбүлүкэтээҕи түһүмэҕэ түмүктэннэ.

Куонкурус сэттэ номинациянан ыытылынна. Хас биирдии номинацияҕа кыайыылаахтар  300 тыһыынча солкуобайдаах Ил Дархан бириэмийэтин ыллылар. Бу туһунан Ил Дархан Айсен Николаев ТГ-ханаалыгар иһитиннэрдэ.

Сыл бастыҥ ыал номинацияларын хаһаайыттарынан буоллулар:

«Элбэх оҕолоох ыал» — Валерий уонна Розалия Новгородовтар дьиэ кэргэттэрэ, Нам улууһун Хамаҕатта сэлиэнньэтэ;

«Эдэр ыал» — Константин уонна Валерия Владимировтар, Ньурба куората;

«Тыа ыала» — Руслан уонна Марфа Сидоровтар дьиэ кэргэттэрэ,  Мэҥэ Хаҥалас улууһа;

«Көһө сылдьар ыал» — Василий уонна Елена Соловьевтар, Муома улууһа;

«Иитэ ылбыт ыал» — Александра уонна Оксана Павловтар дьиэ кэргэттэрэ, Дьокуускай куорат;

«Кыһыл көмүс ыал» — Иннокентий уонна Розалия Алексеевтар, Сунтаар улууһа Элгээйи нэһилиэгэ;

«Үгэстэри харыстааччы ыал» — Николай уонна Елена Рязанскайдар, Амма улууһа.