Хаартыска: Христина Кривошапкина
Бүтүн Арассыыйатааҕы куонкуруска Улахан Чыыстай нэһилиэгин кэскиллээх ыала Елена Степановна уонна Василий Викторович Соловьевтар ситиһиилээхтик кыттан «Семья — хранитель традиций» номинация лауреата буоллулар. Бу үөрүүлээх сураҕы Муома оройуонун баһылыгын социальнай үлэҕэ солбуйааччы А.В. Кульбертинова кэпсээтэ.
— Быйыл дьиэ кэргэн сылыгар анаммыт араас тэрээһиннэр ыытыллан оройуоммут ыаллара элбэх куонкурустарга кыттыннылар. Бу Бүтүн Арассыыйатааҕы куонкурус хас да түһүмэхтэринэн ыытылынна. Бастакы түһүмэхтэр муниципальнай таһымҥа Төбүлэххэ, Улахан Чыыстайга уонна Хонууга тэриллибитэ. Бу күрэстэр тустаах кыайыылаахтара Чуумпу Кытылтан Марина, Андрей Эверостовтар «Сельская семья» номинацияҕа, Хонууттан Людмила, Георгий Алексеевтар «Многодетная семья» номинацияҕа, Сааһыыртан Елена, Василий Соловьевтар, Юлия, Николай Громовтар «Кочевая семья» номинацияҕа өрөспүүбүлүкэтээҕи түһүмэххэ салгыы кыттыбыттара. Манна «Кочевая семья» номинацияҕа бүтүн өрөспүүбүлүкэ үрдүнэн Соловьевтар дьиэ кэргэннэрэ бастаабыттара, Громовтар үһүс буолбуттара.
Өрөспүүбүлүкэтээҕи түһүмэххэ кыттыбыт ыалларбыт анал сэртипикээт туппуттара. Бу күннэргэ «Сыл бастыҥ дьиэ кэргэнэ» Бүтүн Арассыыйатааҕы куонкурус тиһэх түһүмэҕин түмүктэрэ тахсан финалистар быһаарылыннылар. Онно биһиги үөрүүбүтүгэр өбүгэ саҕаттан иитиллэр табабыт салаатын бастыҥ үлэһиттэрэ Елена, Василий Соловьевтар «Семья — хранитель традиций» номинацияҕа бастыҥ буолан аны күһүн Москваҕа ыытыллар финалга ыҥырылыннылар. Дьэ, онон билигин дойду тэбэр сүрэҕэр күрэстэһэ барар дьиэ кэргэммитин өйөөн, бары өттүнэн бэлэмниир үлэ күүтэр. Бу туһунан «Индигиир уоттара» хаһыат суруйар.
Христина Кривошапкина
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…