Хаартыска: sakha.gov.ru
Ил Дархан Айсен Николаев Аллайыаха улууһун баһылыга Яков Елисеевы кытта көрүстэ.
Өрөспүүбүлүкэ салайааччыта муниципальнай тэриллии социальнай-экэнэмиичэскэй сайдыытыгар ааспыт сылларга бэриллибит сорудахтары толоруу хаамыытын бэрэбиэркэлээтэ. Кини ааспыт сыллааҕы сорудахтарын ахсааныгар Чокуурдаахха канализационнай-ыраастыыр тутуулары тутуу саҕаланыытын бэлиэтээтэ. Айсен Николаев саҥа соругунан улуус киинигэр кытаанах бөх-сыыс полигонун саҥардыыга бырайыактыыр-сметнэй докумуоннары оҥорорго туруорда. Ону сэргэ быһаарыллыбыт боппуруостар ахсааныгар кыһыҥҥы суоллары эксплуатациялыыр «Арктика суоллара» тэрилтэ филиалыгар анаан саҥа кыра туонналаах тиэхиньикэни атыылаһыыны бэлиэтээтэ. Суол учаастагын оҥорууга урут үс бульдозер уонна снегоболотоход атыыласпыттар. Инникитин анал тиэхиньикэ туруорар иккис гараж тутуллара былааннанар.
Айсен Николаев саахалланар туруктаах. хаарбах дьиэлэртэн олохтоохтору көһөрүү бырагырааматын толорууга болҕомтотун уурда. Быйыл ахсынньы ыйыгар Чокуурдаахха хаарбах, саахалланар туруктаах дьиэлэртэн көһөрүүгэ үс 13 кыбартыраалаах дьиэ тутуллара былааннанар. Эбийиэктэри болдьоҕун кэмигэр туттарарга үлэһиттэр ахсаанын элбэтэргэ уонна 2025 сылга дьиэлэри тутууга былаан-кыраапыгын оҥорорго сорудахтаата. Ону сэргэ Айсен Николаев уонна Яков Елисеев көрсүһүү кэмигэр Чокуурдаахха оҕо уһуйаанын уонна Оленегорскай сэлиэнньэтигэр оскуола-оҕо уһуйаанын эбийиэгин тутуу бырайыактыыр-сметнэй докумуоннарын оҥоруу боппуруостарын дьүүллэстилэр.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…