Түүллэргэ киирэр аптаах оҕолор сырыыларын туһунан кэпсиир «Түүлчээннэр» диэн саҥа сахалыы ойуулук сериала бу сыл бүтүүтэ тахсыаҕа. Бу туһунан бырайыак режиссера Анастасия Трифонова кэпсээбитин ТАСС суруйар.
Сүрүн дьоруойдарынан аптаах оҕолор – убайдыы-балыстыы буолаллар. Хас биирдии сиэрийэ аайы сүрүн дьоруойдар араас оҕолор түүллэригэр киирэн, кинилэр кыһалҕаларын быһаарсарга көмөлөһөллөр. Бу бырайыак 2024 сыллаахха сценарийдар күрэхтэрин түмүгүнэн бэлиэтэммитэ.
«Сүрэхтэниитэ быйыл сыл бүтүүтэ, ахсынньыга, былааннанар, — диэн Трифонова кэпсээтэ. — Бырайыак үлэтэ сыл устата барбыта. Кылгас ис хоһооно маннык: былыт үрдүгэр олорор икки оҕо түүллэргэ киирэр дьоҕурдаахтар. Кинилэр көмөҕө ыҥырар көрдөһүүнү истэн, халлаантан түһэн оҕолорго көмөлөһөллөр». Уопсайа 10 сиэрийэ былааннанар. Бастакы сахалыы ойуулук сериал «Тооку» «Саха» НКИХ оҥоһуллубута.
2024 сыл сайыныгар «Тооку» диэн сахалыы бастакы оҕо телеханаала эпииргэ тахсан саҕалаабыта. Ону таһынан, бу дьоруой аатынан TO:KU Fest диэн саха анимациятын бэстибээлэ ааттаммыта. Үһүс төгүлүн ыытыллар TO:KU Fest саха анимациятын бэстибээлэ алтынньы 16-18 күннэригэр Дьокуускайга буолан ааста. Онно саҥа бырайыактары билиһиннэрдилэр.
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…
Владимир Путин Саха сириттэн төрүттээх Арассыыйа Дьоруойа Андрей Григорьев туһунан киинэни өйүүрүн биллэрдэ. Саха сириттэн…
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…