“Сыл дириэктэрэ-2025” күрэс буолан ааста

Өрөспүүбүлүкэ оскуолаларын салайааччыларын, салайар хамаандаларын өйүүр, кинилэр саҥаны киллэрэр уопуттарын тарҕатар соруктаах “Сыл дириэктэрэ-2025” күрэс буолан ааста.

Салайааччы уонна кини хамаандата “Идэ туһунан тест”,  “Көҕүлүүр сурук”, “Сөпсөһөбүн уонна утарабын”, “Маастар кылаас”, “Стратегическай быһаарыы”, “Хамсаныы траекторията”, “Брифинг” курдук түһүмэхтэри аастылар. Ол түмүгүнэн кыайыылаахтар быһаарылыннылар.

Ол курдук, Үөрэх уонна билим министиэристибэтин саайтыгар иһитиннэрэллэринэн, күрэс быйылгы сыл кыайыылаахтарынан ааттаннылар: И.С.Гаврильев аатынан Нам 1-кы нүөмэрдээх орто оскуолатын дириэктэрэ Парников Николай Григорьевич (Нам улууһа), С.П.Данилов аатынан Бэрдьигэстээх орто оскуолатын дириэктэрэ Петров Павел Алексеевич (Горнай улууһа), В.С.Соловьев-Болот Боотур аатынан Хатылы орто оскуолатын дириэктэрэ Егорова Екатерина Ивановна (Чурапчы улууһа).

Ону тэҥэ, күрэс хас биирдии сорудаҕар кыайыылаахтары бэлиэтээбиттэр: Захаров Гаврил Дмитриевич (Амма улууһун В.М.Новиков-Күннүк Уурастыырап аатынан Эмис орто оскуолата), Иванова Акулина Семеновна (Амма улууһун Н.Е.Иванов аатынан агропрофилированнай хайысхалаах биридимиэттэри эбии үөрэтэр орто оскуола), Дабанова Галина Феликсовна (Дьааҥы улууһун М.Л.Новгородов аатынан Верхоянскай орто оскуолата), Кычкина Ирина Владимировна (Мэҥэ Хаҥалас улууһун Кеша Алексеев аатынан Хаптаҕай орто оскуолата), Белоус Марина Федоровна (Нерюнгри куорат 2-с нүөмэрдээх гимназията), Тотонов Айаал Валерьевич (Сунтаар улууһун Г.Е.Бессонов аатынан Тойбохой орто оскуолата), Сыромятников Семен Анатольевич (Томпо улууһун В.А.Штыров аатынан улуустааҕы элбэх хайысхалаах гимназия).