Хаартыска: minobrnauki.sakha.gov.ru
Дьокуускай куоракка Бүтүн Арассыыйатааҕы “Сыл дириэктэрэ” идэ күрэһин өрөспүүбүлүкэтээҕи түһүмэҕэ ыытылла турар.
Тэрийээччилэр иһитиннэрэллэринэн, идэ маастарыстыбатын күрэһэ Саха сиригэр бэһис төгүлүн буолар. Быйыл өрөспүүбүлүкэ араас улуустарыттан барыта 16 хамаанданан 46 киһи кыттар.
Тэрээһин сүрүн соругунан бастыҥ уопуту үллэстии, атын оскуолаларга тарҕатыы буолар.
Күрэс уопсайа сэттэ түһүмэхтэн турар: “Идэ туһунан тест”, “Көҕүлүүр сурук”, “Сөпсөһөбүн уонна утарабын”, “Маастар кылаас”, “Стратегическай быһаарыы”, “Хамсаныы траекторията”, “Брифинг”. Сорох түһүмэххэ хамаандалар үлэлэрин көрөллөр, сороххо дириэктэрдэр бэйэлэрэ эрэ кытталлар.
Маны таһынан, “Сыл дириэктэрэ-2022” күрэс муҥутуур кыайыылааҕа, Москва куорат 1591 нүөмэрдээх оскуолатын дириэктэрэ Павел Терехов, 2022 сыллааҕы күрэс өрөспүүбүлүкэтээҕи түһүмэҕин кыайыылааҕа Татьяна Попова, И.Г.Тимофеев аатынан Майа лиссиэйин салайар хаманаадата маастар кылаастары биэриэхтэрэ.
Хамаандалары үөрэх уонна билим миниистирин солбуйааччы Степан Степанов салайааччылаах дьүүллүүр сүбэ сыаналыыр. “Сыл дириэктэрэ” күрэс эрэгийиэннээҕи түһүмэҕин кыайыылааҕа Бүтүн Арассыыйатааҕы түмүктүүр түһүмэххэ Саха сирин аатыттан кытта барыаҕа.
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".
Дьокуускайга "Звездный" түөлбэ бастакы уулуссата аатырбыт сэбиэскэй лүөччүк дьахтар Вера Захарова аатын сүгэр. Бу уулуссаҕа…
Хаҥалас оройуонугар 49 саастаах дьахтар холуобунай дьыалаҕа уорбаланар. Кини чугас дьонун эчэппит. Быһылаан кулун тутар…
Саха сиригэр биллэр судаарыстыбаннай, бэлитиичэскэй диэйэтэл Гавриил Чиряев төрөөбүтэ 100 сылын киэҥник бэлиэтииллэр. Кини үбүлүөйүн…
С.Ф.Гоголев аатынан Дьокуускайдааҕы педагогическай кэллиэскэ бу сыл муус устар 12 күнүгэр аһаҕас аан күнүн ыыталлар.…