Салгыы
“Сыл иитээччитэ” уонна “Социальнай педагог” куонкурустар кыайыылаахтарын быһаардылар

“Сыл иитээччитэ” уонна “Социальнай педагог” куонкурустар кыайыылаахтарын быһаардылар

31.03.2023, 11:24
Хаартыска: ааптар.
Бөлөххө киир:

СӨ Үөрэҕи сайыннарар уонна идэ таһымын үрдэтэр институт саалатыгар хаһааҥҥытааҕар да элбэх киһи муһунна. Манна “Сыл иитээччитэ” уонна “Социальнай педагог” куонкурустар түмүктэрин таһаардылар.

СӨ Үөрэҕи сайыннарар уонна идэ таһымын үрдэтэр институт дириэктэрин бастакы солбуйааччы, педагогика билимин дуоктара Галина Алексеева: “Педагог эрэ билиҥҥи кэмҥэ олоҕуран кэлэр кэми оҥорор. Биһиги кэскиллээх педагогтарбыт бу сыанаҕа кэлэн тураҕыт. Тэрийээччилэр уонна кыттааччылар бэйэ-бэйэбититтэн хардарыта үөрэнэбит. Профессионал быһыытынан үүнүүгүтүгэр туох тиийбэтин, кыайтарбакка турарын биллигит, көрдүгүт. Маны өйдөөбүт буоллаххытына — куонкурус соругун сиппит.  Оттон кыайыы уонна хотторуу иккис былааҥҥа турар”, — диэн куонкурус кыттааччыларыгар эҕэрдэлииригэр эттэ.

“Сыл иитээччитэ-2023” Бүтүн Арассыыйатааҕы куонкурус муҥутуур кыайыылааҕынан Ньурба улууһун Антоновка сэлиэнньэтин “Ромашка” оҕону сайыннарар киин конструированиеҕа, робототехникаҕа эбии үрэхтээһин педагога Владислав Егоров кыайыылааҕынан таҕыста. Соһуйуохпут иһин, Владислав бастакы идэтинэн баһаарынай эбит. Ол эрээри, сүрэҕин баҕатынан уһуйааҥҥа үлэлээбитэ төрдүс сылыгар барбыт, иитээччи идэтигэр үөрэнэ сылдьар, быйыл бүтэрэр.

“Былырыын эр дьон педагогтарга ыытыллар куонкуруска кыттыбытым, эмиэ муҥутуур кыайыылаах аатын сүкпүтүм. Финалга киириэм эрэ диэн толкуйдаабатаҕым, санаабар, миигиннээҕэр күүстээх кэллиэгэлэр бааллара. Долгуйдум. Миигин өйөөччүлэрим, кэллиэгэлэрим, уһуйааччым – үрдүкү мэтэдиис-иитээччи Любовь Николаевна, Ньурба улууһун үөрэҕин управлениета, Антоновка нэһилиэгин бары олохтоохторун көмөлөрө улаханы таайда дии саныыбын.

Куонкуруска саамай уустуга аһаҕас дьарыктарга бэлэмнэнии этэ. Тиэмэни дьарык буолуо биир күн эрэ иннинэ биэрэллэр, онон түүннэри бэлэмнэннибит”, —  диэн Владислав Аркадьевич үөрүүлээх тэрээһин кэнниттэн тута суруналыыстары кытта санаатын үллэстэр.

“Социальнай педагог-2023” куонкурус муҥутуур кыайыылааҕынан Тааттатааҕы лиссиэй социальнай педагога Лена Неустроева ааттанна.

Быйыл “Төрөөбүт тылынан иитээччи” номинацияҕа кыайыылааҕы быһаардылар. Тустаах номинацияҕа диплому Сунтаар улууһун 5-с нүөмэрдээх “Ньургуһун” оҕону сайыннарар киин иитээччитэ Надежда Алексеева ылла, онон аны күһүн Бүтүн Арассыыйатааҕы куонкуруска Саха сирин аатыттан кытта барар чиэскэ тигистэ.

“Сыл иитээччитэ-2023” куонкурус биэс бастыҥ кыттааччыта:

  1. Омукчанова Ульяна Васильевна, Уус Алдан улууһа;
  2. Егоров Владислав Аркадьевич, Ньурба улууһа;
  3. Ефремова Христина Александровна, Өлөөн эбэҥки национальнай улууһа;
  4. Маркова Анастасия Юрьевна, Алдан улууһа;
  5. Алексеева Надежда Алексеевна, Сунтаар улууһа.

Биэс бастыҥ социальнай педагог:

  1. Горохова Галина Петровна, Дьокуускай куорат;
  2. Неустроева Лена Алексеевна, Таатта улууһа;
  3. Руфова Юлия Прокопьевна, Бүлүү улууһа;
  4. Сивцева Юлия Ивановна, Хаҥалас улууһа;
  5. Сыромятникова Розалия Михайловна, Мэҥэ Хаҥалас улууһа.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -21°Влажность: 40% Скорость ветра: 5 м/с

Сообщить об опечатке

Текст, который будет отправлен нашим редакторам: