Хаартыска: sakha.gov.ru
Бу сыл саҕаланыаҕыттан Өрөспүүбүлүкэтээҕи онкологическай диспансерга 5900-тэн тахса ыарыһах эминэн эмтэниини ааста. Бу туһунан тэрилтэ пресс-сулууспата иһитиннэрэр.
2024 сылга диспансерга искэни утары эмтэнии кууруһун 11 144 түгэнэ бэлиэтэммит, бу 2023 сылы кытта тэҥнээтэххэ 6 бырыһыанынан элбэх.
Тустаах тэрилтэҕэ иһитиннэрбиттэринэн, искэни эмтээһин саҥа ньымаларын олоххо киллэрии үлэтэ көхтөөхтүк барар. Бу эмтээһин көдьүүһүн үрдэтэр уонна ыарыһах олоҕун хаачыстыбатын тупсарар. Аныгы сыһыан баар буолан ыарыһахтар хас биирдии түгэни биирдиилээн учуоттуур саҥа эми уонна схеманы туһаналлар.
“Диспансер быраастара эмтээһин көдьүүстээх буоларын туһугар сатабылларын уонна билиилэрин өрүү тупсара тураллар. Саҥа ньымалары олоххо киллэрии – эрэгийиэҥҥэ искэн ыарыыны кытта охсуһуу кэлимсэ үлэтин сорҕото. Ыарыһахтар саамай аныгы уонна квалифицированнай көмөнү ыларга эрэнэр кыахтаахтар. Бу кинилэр үтүөрэллэригэр уонна олохторун хаачыстыбата тупсарыгар кыаҕы үөскэтэр” – диэн Өрөспүүбүлүкэтээҕи онкологическай диспансер эминэн эмтээһиҥҥэ салаатын салайааччыта, СӨ Доруобуйатын харыстабылын министиэристибэтин штаты таһынан онклолога Феодосия Иванова иһитиннэрэр.
Саха сиринээҕи амбулаторнай онкологическай көмөҕө кииннэригэр эрэгийиэн уустук айаннаах улуустарыгар олорор ыарыһахтары эмиэ эминэн эмтииллэрин бэлиэтиир. Искэни эмтээһин 17 киинигэр 46 күнүскү стационар үлэлиирин ыйар.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…
Дьокуускайга чааһынай дьиэҕэ 17, 11 уонна 9 саастаах оҕолор ититии систиэмэтиттэн тахсар гаастан үгээрдээбиттэр. Борокуратуура…
Бу күннэргэ Өймөкөөн улууһун салалтата быйыл алдьатыылаах халаан кэнниттэн эмсэҕэлээбит нэһилиэктэринэн сылдьан, чөлүгэр түһэрии үлэтин…
Бу күннэргэ Саха сирэ аан дойду үрдүнэн саамай тымныы сиринэн буола сырытта. Бу туһунан РФ…
Бүгүн, ахсынньы 22 күнүгэр, биллиилээх бэлиитик уонна уопсастыбаннай диэйэтэл Виктор Губарев олохтон туораабытын туһунан Ил…