Хаартыска: ЯСИА
Сыл саҕаланыаҕыттан Социальнай пуонда Саха сиринээҕи салаата 67 тыһ. тахса оҕо төрөппүтүгэр уонна 2 089 оҕо күүтэр дьахтарга биир кэлим босуобуйаны анаата.
Бу туһунан от ыйын 8 күнүгэр ыытыллыбыт брифиҥҥэ Социальнай Пуонда Саха сиринээҕи салаатын салайааччыта Марина Герман иһитиннэрдэ.
«Бу төлөбүр дьиэ кэргэн кыһалҕатын комплекснай сыаналааһынын кэнниттэн оҥоһуллар. Сыаналыырга ааҕар кэм сайабылыанньа бэриллибит ыйын иннинээҕи 12 ыйы хабар. Холобур, гражданин төлөбүргэ от ыйыгар сайабылыанньа биэрбит буоллаҕына, дьиэ кэргэн 2024 сыл бэс ыйыттан 2025 сыл ыам ыйыгар диэри дохуоттара ааҕыллыахтара», – диэн Марина Герман быһаарда.
Сыаналыырга бааһынай-пиэрмэр хаһаайыстыбаларын уонна кэтэх дьарыктан киирбит дохуоттар, ону таһынан биэнсийэлэр, босуобуйалар, истипиэндьийэлэр уонна ылыллыбыт алименнар сууммалара учуоттаналлар.
Дьиэ кэргэн дохуотугар ааҕыллыбаттар: көрүүгэ-харайыыга сылдьар оҕолор номинальнай счеттарын бырыһыаннара, нолуоктан көҕүрэтиилэр, баайы-дуолу атыылаһарга сыаллаах субсидиялар, сайабылыанньа бэриллэр оҕолоругар урукку кэмҥэ төлөммүт төлөбүрдэр, оҕону эмтээһиҥҥэ биирдэ бэриллэр көмө, инбэлиит оҕону көрүүгэ-харайыыга төлөбүрдэр, социальнай хантараагынан төлөбүрдэр, мобилизацияламмыт гражданнар дохуоттара.
«Босуобуйаны ыларга дьиэ кэргэн хас биирдии үлэлиир кыахтаах чилиэнэ ааҕыллар кэм иһигэр үлэ төлөбүрүн түөрт алын кээмэйиттэн намыһаҕа суох дохуоттаах буолуохтаах. 2025 сылга дьиэ кэргэн хас биирдии чилиэнин уопсай дохуота 89 760 солкуобайтан кыра буолуо суохтаах», – диэн Марина Герман эттэ.
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…
Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…
Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…