Сыл саҕаланыаҕыттан Саха сириттэн пуруоҥҥа 86 тиэхиньикэ тириэрдилиннэ

Ол туһунан «Кыайыыга бииргэ» хамыыһыйа өрөспүүбүлүкэтээҕи суһал ыстаабын сүрүннүүр киинин салайааччы Георгий Куркутов иһитиннэрдэ. «Өрөспүүбүлүкэ байыаннайдарыгар 70 массыына, 10 матасыыкыл, 5 квадроцикл, саппаас чаастары уо.д. а. тиэрдилиннэ» — диэн кини чопчулаата. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Кини бэлиэтээбитинэн, байыаннай дьайыы саҕаланыаҕыттан байыаннай дьайыы зонатыгар 24 дэлэгээссийэ бара сырытта, ол иһигэр 21 муниципальнай тэриллии бэрэстэбиитэллэрэ уонна байыаннай кэрэспэдьиэннэр 3 бөлөхтөрө сырыттылар. «Кыайыыга бииргэ» хамыыһыйа  Приморье, Хабаровскай кыраай, Бурятия Өрөспүүбүлүкэтин, Москва, Санкт-Петербург уонна Ростов байыаннай госпиталларын кытары салгыы үлэлиир.