Сыл саҕаланыаҕыттан түөкүттэр 401 мөлүйүөнү суйдаабыттар

Тохсунньуттан ыам ыйыгар диэри Саха сиригэр төлөпүөн түөкүттэрэ 401 мөлүйүөн солкуобайы суйдаан ылбыттарын туһунан Саха сирин  борокуратуурата  биллэрэр.

Түөкүннээһин 95 % “мобильнай баан” нөҥүө оҥоһуллубут. Саамай элбэх албыҥҥа киирэн биэрбиттэр Дьокуускай куорат олохтоохторо – 397 киһи. Нерюнгригэ 74 киһи, Мииринэйгэ 68 киһи, Алдаҥҥа 56 киһи харчыларыттан маппыттар. Дьон-сэргэ “ордук кэбэҕэстик албыҥҥа биэнсийэлээхтэр киирэн биэрэллэр” дии саныыллара статистика сыыппаратынан бигэргэммэт. Ордук элбэхтик 30-49 саастаах үлэлиир дьон түөкүттэргэ киирэн биэрбиттэрэ көстөр.