Хаартыска: СӨ Суут бириистэптэрин пресс-сулууспата
Уоппуска кэмэ саҕаламмытынан, Саха сиринээҕи Суут бириистэптэрин управлениета кыраныысса таһыгар сынньана тахсааччыларга иэс суумата баарын-суоҕун бэрэбиэркэлиир наадатын туһунан санатар.
Санатан эттэххэ, 30 тыһ.солк. үрдүк суумалаах иэстээхтэр, сорох түгэҥҥэ 10 тыһ. солк. иэстээхтэр кыраныысса таһыгар тахсар бырааптара быһыллар.
Холобур, бу сыл бастакы кыбаарталыгар 60 тыһыынча кэриҥэ Саха сирин олохтоохторугар кыраныысса таһыгар тахсыы тохтотуллубут. Иэс харчы уопсай суумата 7 млрд тахса солкуобайга тэҥнэспит.
Иэс сууматын кытта Суут бириистэптэрин управлениетын саайтыгар билсиэххэ сөп: https://fssp.gov.ru/iss/ip/, ону сэргэ «Госуслуги» порталга. Ону кытта 8-800-303-0000 нүөмэринэн «Полина» виртуальнай көмөлөһөөччү эмиэ иэс сууматын туһунан иһитиннэриини биэриэн сөп.
Онуоха хааччахтар иэс сууматын толору төлөөһүн кэнниттэн тутатына уһуллубаттар, тоҕо диэтэххэ, суут бириистэптэрин счетугар үп-харчы 3-5 хонугунан киирэр, онтон иэс сууматын көрдөөччү тэрилтэҕэ ыытыллар. Ол кэннэ биирдэ хааччахтар уһуллаллар уонна дьыала тохтотуллар.
Бэс ыйа номнуо бүтэн эрэр. Бу күннэргэ хайдах күн-дьыл буоларын дьон-сэргэ сылыктыыр. Бүгүҥҥү күн туох…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр иһитиннэрбиттэринэн, Саха сирин арҕаа өттүгэр ардахтаах, Өлөөҥҥө, Мииринэй…
Өрөспүүбүлүкэтээҕи «Сахамедиа» медиа-кииҥҥэ «Дыгын оонньууларын» сэрэбиэйин ыыттылар Ааттаах-суоллаах турнир бары 16 кыттааччыта успуорт көрүҥнэринэн сэрэбиэй…
"Орто дойду" зоопаркаҕа Саргуля уонна Илюша диэн ааттаах бизоннарга тыһы ньирэй төрөөтө. Зоопарка салалтата бизон…
Дьокуускайдааҕы полиция 2 №-дээх отделын дьуһуурунай чааһыгар дьахтар 108 тыһ. солк. харчыта уоруллубутун туһунан тыллаабыт.…
Бэс ыйын 26 күнүттэн 28 күнүгэр диэри Дьокуускайга Астана куорат култууратын күннэрэ ыытыллыахтара. Бу тэрээһин…