“Сыл устудьуона” бириэмийэ түмүктүүр түһүмэҕэр өрөспүүбүлүкэ аатыттан 11 устудьуон кыттыаҕа

Быйылгы бириэмийэ тэрээһинэ “Твой ход” Бүтүн Арассыыйатааҕы устудьуоннар пуорумнарын иитинэн, Москваҕа ахсынньы 13-16 күннэригэр буолуоҕа, барыта 850-тан тахса талааннаах устудьуон кыттыаҕа. 9 биирдиилээн уонна 6 кэлэктиибинэн анал ааты туттарыахтара.

Саха Өрөспүүбүлүкэтин аатыттан Дьокуускай куорат, Жатай, Нам, Бүлүү улуустарын кэллиэстэрин, тиэхиньикумнарын 11 устудьуона кыттыаҕа.

Биирдиилээн анал ааттар:

— “Председатель совета обучающихся года” – И.И. Фадеев аатынан үп-экэниэмикэ кэллиэһин устудьуона Леон-Талыман Иванов;

— «Профессионал года» — Н.Г.Чернышевскай аатынан Бүлүүтээҕи профессиональнай-педагогическай кэллиэс устудьуона Нарыйаана Яковлева;

— «Медиа года» — С.Ф.Гоголев аатынан Дьокуускайдааҕы педагогическай кэллиэс устудьуона  Марианна Шадрина;

— «Общественник года» — И.Е.Винокуров аатынан Намнааҕы педагогическай кэллиэс устудьуона Мария Ядрихинская;

— «Творческая личность года» — И.Е.Винокуров аатынан Намнааҕы педагогическай кэллиэс устудьуона Ксения Винокурова;

— «Спортсмен года» — И.Е.Винокуров аатынан Намнааҕы педагогическай кэллиэс устудьуона Ярослав Габышев;

— «Староста года» — И.Е.Винокуров аатынан Намнааҕы педагогическай кэллиэс устудьуона Валерия Федотова;

— «Патриот года» — И.Е.Винокуров аатынан Намнааҕы педагогическай кэллиэс устудьуона Саарын Захаров.

Кэлэктиибинэн анал аат:

— «Творческий клуб года» — Жатай тиэхиньикумун «Сундучок идей» айар мастарыскыай.

Бу туһунан Идэҕэ үөрэтэр кыһалары сайыннарар институт саайтыгар суруйаллар.