Нэһилиэк туһугар ыалдьар дьон сытыытык туруорсар. Ааптар хаартыската
Өлүөхүмэ улууһун Солянка нэһилиэгэ Өлүөнэ өрүс хаҥас кытылыгар сытар.
Солянкаҕа ньиэби уонна гааһы хостооччулар үлэлииллэр диэтэххэ, кинилэр улууска биир да оскуоланы туппаттарын туһунан олохтоохтор хомолтолорун эттилэр. Солянкаҕа оскуолалара олус эргэ, мас дьиэҕэ үөрэнэллэр. Биир кырдьаҕас тыа хаһаайыстыбатыгар «Стартап» бырайыакка тоҕо эдэрдэри эрэ өйүүллэрин билээри: «Стартап» өйөбүлэ тыа хаһаайыстыбатыгар үлэҕэ үөрүйэҕэ суох дьоҥҥо көрүллэр. Кинилэр үс сыл үлэлээн баран, тохтоон хаалаллар. Ол оннугар сиргэ-уокка, сүөһүгэ саастарын тухары үлэлээбит дьон тыа хаһаайыстыбатынан дьарыктанар кыахтара суох буолан хаалар», -– диэн мунаарар ыйытыытын биэрдэ.
Олохтоохтор ону сэргэ оскуолаларга ОГЭ уонна БКЭ эксээмэннэригэр тоҕо харчы төлүүллэрин, иһэр уу хаачыстыбата мөлтөҕүн, Өлүөхүмэ-Дьокуускай көтөр сөмөлүөккэ доруобуйатынан хааччахтаах киһиэхэ билиэтэ тоҕо төлөммөтүн ыйыталастылар.
Өрөспүүбүлүкэ социальнай-экэнэмиичэскэй сайдыытыгар уонна улууска да, нэһилиэккэ да туһалаах буоларыгар, Солянкаҕа ханнык эмэ оҥорон таһаарар үлэни тэрийэн, үлэ миэстэтин таһаарыахха наадатын сиэрдээхтик туруорустулар.
Улуус олохтоохторо сайын уунан айаннаан, Дьокуускай куоракка Өрүс пордун быһа ааспаттар. Онуоха уопсастыбаннай туалет суоҕа табыгаһа суоҕун туһунан эттилэр.
Дьиэлэри киинтэн сылытыы болдьоҕун уларытан, сылааһы балаҕан ыйын 1 күнүттэн биэрэллэригэр баҕа санааларын эттилэр.
Нэһилиэнньэ туруорсубут үгүс этиитин отчуот боротокуолугар киллэрдилэр, ол аата ситэриилээх былаас уорганнара сөптөөх быһаарыыны ылынан, нэһилиэнньэ олоҕун тупсарарга үлэни ыытыахтара.
Надежда ЕГОРОВА, ааптар хаартыскалара
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…