Уһун тымныы кыһыннаах Саха сиригэр олорор буоламмыт олохпут хаачыстыбата, үлэлиир усулуобуйабыт хомунаалынай хаһаайыстыба үлэһиттэриттэн быһаччы тутулуктаах.
Уус Алданнааҕы ОДьКХ тэрилтэтин Суоттутааҕы учаастагын Николай Николаевич Черкашин 2012 сылтан ситиһиилээхтик салайар. Манна түөрт хочуолунайга 43 үлэһит үлэлиир. Николай Николаевич хочуолунайдарын, ититэр систиэмэтин туругар улахан болҕомтотун уурар.
2014 сыллаахха Суоттуга саҥа хочуолунай тутуллан үлэҕэ киирбитэ. Ол түмүгэр, үгүс кэтэх дьиэлээх ыаллар, 2022 сыллаахха саҥа оскуола, 2017 сыллаахха оҕо саҥа уһуйаанын дьиэлэрэ эбии холбоммуттара. Билиҥҥи туругунан олус айгыраабыт Саһылыкаан хочуолунайа өрөмүөннэнэн саҥардыллара буоллар диэн баҕа санаалаахтар.
Үлэ хаамыыта учаастак маастардарын үлэтиттэн быһаччы тутулуктааҕын Николай Николаевич бэлиэтиир. Ис сүрэҕиттэн үлэтигэр кыһаллан үлэлиир дьонтон биирдэстэринэн Ксенофонт Черкашины ааттыыр. Ксенофонт Васильевич кыһамньытынан Хоноҕор хочуолунайа өрөмүөннэнэн, оһоҕо уларыйан үлэтэ тупсубутун уонна атын да тэрээһин үлэлэргэ мэлдьи инники күөҥҥэ сылдьарын бэлиэтиир.
Суоттутааҕы ОДьКХ тэрилтэтигэр уһуннук уонна таһаарыылаахтык Иван Мохноносов, Егор Колодезников, Гаврил Портнягин үлэлээбиттэрэ.
Сантехниктар Александр Бурнашев, Александр Григорьев, Никита Бубякин, тырахтарыыс Семен Тарскай, электриктэр Иван Бурцев, Егор Бубякин, сыбаарсык Владислав Решетников, оператордар Николай Ермолаев, Андрей Охлопков, Евгений Новиков, Петр Федоров үлэлэригэр эппиэтинэстээхтик сыһыаннаһаллар.
Хоноҕорго Николай Черкашин, Николай Фокин, Сергей Полухин, Егор Шепелев, Василий Нафанаилов, Василий Андросов, Николай Варламов, Иннокентий Заровняев өр сылларга бэриниилээхтик үлэлээтилэр. Саһылыкаан бөһүөлэгин сылааһынан хааччыйыыга Роман Бочкарев, Семен Петров, Михаил Бочкарев уһуннук, үтүө субастаахтык үлэлииллэр.
Бу тэрилтэ үлэһиттэрэ бары даҕаны үлэни өрө туппут дьон. Нэһилиэккэ ыытыллар бэтэрээннэргэ аналлаах оттук мас, муус бэлэмин, нэһилиэк сирин-уотун ырааһырдыыга, тутууга уонна өрүмүөҥҥэ, атын да субуотунньуктарга сүрүн күүһүнэн кинилэр буолаллар.
Раиса Черкашина,
Суотту модельнай бибилэтиэкэтин үлэһитэ.
Суотту, Уус Алдан.
Хаартыскалар Николай Черкашин тиксэриилэрэ
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…