Сылаас тохтобул үлэҕэ киирбит даҕаны

Дьокуускайга куорат дьаһалтата сылаас тохтобуллары былаан быһыытынан оҥорор. Бу соторутааҕыта Залог оройуонун тиһэх тохтобулугар (“Азия” эргиэн кииниттэн чугас саҥа бэртээхэй сылаас тохтобул аһыллыбыт. Ол эрээри оптуобуһунан айаннааччылар үөрэнэн хаалан быһыылаах эргэ тохтобулга таһырдьа тураллар. “Тоҕо сылааска киирэн турбакка. Таһырдьа тураҕыт?”—диэн 4-с нүөмэрдээх оптуобус суоппара сэмэлээбитэ.

Дьон саҥаҕа тохтообокко баран хаалыа диэн сэрэхэдийэн таһырдьа турабыт дэһэллэр.

Онон куорат дьаһалтата эргэ тохтобул таһыгар туруоруллубут “оптуобус тохтобулун” бэлиэтин уһулуон наада. Билигин икки итинник бэлиэ турар буолан, буккууру таһаарар. Ол курдук, оптуобус бастаан саҥаҕа тохтоон баран, аҕыйах миэтэрэни бараат эргэҕэ тохтуурга күһэллииһи. Дьиҥинэн, наһаа үчүгэй, сылаас бөҕө тохтобул эбит.