Хаартыска: Дьокуускай куорат дьаһалтатын пресс-сулууспата.
Дьокуускай куорат баһылыга Евгений Григорьев алтынньы 2 күнүгэр дьаһалта мунньаҕар оптуобус сылаас тохтобулларын болдьоҕун иннинэ, эрдэ арыйалларыгар сорудахтаата диэн СИА суруйар.
Уопсастыбаннай эйгэни салайар киин сылаас тохтобуллары эрдэ былааннаммытын курдук — алтынньы ый бүтэһигин диэки арыйыахтааҕа. Бу кэмҥэ күн-дьыл лаппа тымныйар, хаар түһэр.
— Сылаас тохтобуллары быйыл эрдэ арыйыахха наада. Билигин сарсыарда номнуо тымныйар буолла. Оҕолор сылаас тохтобулларга туран, оптуобустары кэтэһиэхтээхтэр, — диэн Евгений Григорьев эттэ.
Сылаас тохтобуллар аныгылыы көрүҥнээхтэр, иһигэр олорор ыскамыайкалар, оптуобус кэлэн иһэрин көрдөрөр экраннар, сорохторугар аһы-үөлү атыылыыр аптамааттар бааллар.
Дьокуускай куора дьаһалтата иһитиннэрбитинэн, быйыл 10 саҥа сылаас тохтобул тутуллан, үлэҕэ киириэхтэрэ. Бу балартан үһэ үлэлииргэ бэлэм турар, уота-күөһэ холбоммут. Холобур, «Автодорожный факультет» уонна «Университет» тохтобулларга сылаас павильоннар баар буоллулар. Онон кыһыҥҥы кэмҥэ устудьуоннар абыраныыһылар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…