Хаартыска: Бэтэринээрийэ департамена.
Бэтэринээрийэ департаменын үлэтин, быйылгы кыстык түмүгүн таһаарда. Дьэ, кыстыгы туох түмүктээх туораатыбыт?
Быйыл кыһын 6225 сүөһү ыалдьыбыт, ол былырыыҥҥыга тэҥнээтэххэ, 272 төбөнөн аҕыйах. Ол иһигэр: аһы буһарар уорганнар ыалдьыылара — 23%, тыынар уорганнар — 5,6%, бэссэстибэлэр атастаһыыларын кэһиллиитэ — 14,6%, төрүүр-ууһуур уорганнар — 42,5%, эчэйии — 14,1%, сүһүрүү — 0,2%.
Сыл устата 1123 сүөһү өлбүт, ол былырыыҥҥыны кытта тэҥнээтэххэ, 357 төбөнөн аҕыйах. Ол иһигэр: эчэйии, саахалга эмсэҕэлээһин — 49,8%, сиэмэх кыыллартан — 2,8%, сүппүт сүөһү — 4 %, сүһүрүү — 1,9%, ууга тимирии — 26,9%, атын ыарыылартан — 17,8%.
Барыта 1025 сылгы ыалдьыбыт, ол былырыыҥҥыны кытта тэҥнээтэххэ, 63 төбөнөн аҕыйах. 633 сылгы өлбүт, ол былырыыҥҥыны кытта тэҥнээтэххэ, 120 төбөнөн элбэх. Ол иһигэр: ууга тимирии — 37%, адьырҕа кыылларга түбэһии — 27%, ыарыыны баалатыы — 26,7%, атын ыарыылартан — 5,1%, сүппүт сылгы — 0,6 %, эчэйии — 1,8 %, сутаан өлүү — 1,5%.
Тыйыс усулуобуйалаах кыһыҥҥы кэмҥэ сылгыны, сүөһүнү үчүгэйдик көрүөххэ-истиэххэ, аһатыахха наада. Ыалдьар түгэннэригэр уталыппакка, бэтэринээргэ көрөдөрөн иһии ирдэнэр.
«Саха» Национальнай Көрдөрөр-иһитиннэрэр хампаанньа эрэдээктэрэ Альбина Тарабукина СӨ норуотун хаһаайыстыбатын үтүөлээх үлэһитэ, СӨ култууратын туйгуна,…
Амма Чапчылҕаныттан төрүттээх Андрей Мидловец 61 киилэлээхтэргэ диэри көҥүл тустууга Европатааҕы чөмпүйэнээккэ кыһыл көмүс мэтээли…
Дьиэ кэргэн, таптал уонна бэриниилээх буолуу күнүгэр эдэр ыалларга дьиэ кэргэн холумтанын бэлиэтэ буолар уоту-күөһү…
Өрөспүүбүлүкэтээҕи дьиэ кэргэн бэстибээлин чэрчитинэн ыытыллыбыт тэрээһин Арассыыйаҕа Дьиэ кэргэн, Саха сиригэр Оҕо саас сылларыгар…
Сахастат «Хотун» хамаандата Росстат Кубогын кыайда уонна Башкортостан Өрөспүүбүлүкэтигэр ыытыллар Арассыыйа Global Management Challenge стратегия…
Бу күннэргэ Саха сирин олохтоохторун барыларын үөрүүлээх сурах кууста. Арассыыйа хомуур хамаандатын тустууга Лев Павлов…