“Сылгыгытын аһатыҥ”

Бу күннэргэ Саха сирин үрдүнэн хаардыыр, түүнүн тоҥорор. Маннык күн-дьыл сылгыга хайдах сабыдыаллыырын туһунан Мэҥэ Хаҥалас улууһун Тиэлиги сэлиэнньэтин олохтооҕо, тыыл уонна үлэ бэтэрээнэ, “X1 пятилетка удаарынньыга”, “ССРС НХСБ-тан  боруонса мэтээллээх Федоров Михаил Семенович санаатын бу курдук үллэһиннэ:

— Тоҥордоҕуна Дьөһөгөй оҕотугар куһаҕан бөҕө буоллаҕа. Тоҥорбокко ириэрдэҕинэ туох буолуой. Сылгыларым туруктара ама. Кыһыны быһа аһаттаҕым дии. Онон, үчүгэй буолаа ини диэн эрэнэбин. Кылаабынайа тоҥорумуон наада. Тоҥордоҕуна бүтэй туйахтаах кыайан хаспат буоллаҕа. Сылгыны оттоох буоллаххытына,  аһатаргыт ордук. Киэһэ эҥин хаптарар туһалаах буолуоҕа. Оттоох дьон итинник дьаһанаргыт ордук буолуоҕа диэн сүбэлиибин.

Михаил Семенович 1967 сылтан 1987 сылга диэри сылгыһыттаабыта. Сопхуостар ыһыллыбыттарын кэннэ күн бүгүнүгэр диэри өтөххө олорон сылгытын аһатан кыстыыр, сайын оттоһор эбит. Билигин ыалдьан дэриэбинэҕэ олорор кэмигэр таба тайанныбыт. Онон уопуттаах сылгыһыт сүбэтин туһаныҥ.

Хаартыскалары: оҕолоро тиксэрдилэр.