«Сылгыһыт күнүн» тэрийэллэрэ үчүгэй

Ыраах Дьааҥы Боруулааҕын сылгыһыта Владимир Горохов бу салааҕа үлэлээбитэ 30-ча сыл буолбут.

— Сылгыһыт күнүн тэрийэллэрэ үчүгэй. Маннык күрэхтэһиилэргэ кыттыахпын олус баҕарабын. Арай бииртэн соһуйдум. Бу эргин сылгыларын ынах курдук аһаталлар эбит. Биһиэхэ баазаларбыт 2-10 км тэйиччи сиргэ бааллар.

Сотору хамаандалар параадтаан киириэхтэрэ. Киин трибуна аннынан балааккалар кэчигирээтилэр. Көрөөччүлэр кэлитэлээн эрэллэр.

Дьааҥы улууһун Адыаччы нэһилиэгиттэн кэлбит Баачаан диэн соноҕос 240000 атыыланна диэтилэр. Бу соноҕос аҕата — Xарыал, ийэтэ — Сэргэ. Баачаан» ХЭТ соноҕоһо, дьэ, аатырда.

Быыстапка-дьаарбаҥка сиэринэн сыана үрдээн эрэр.