Сылгыһыт күрэхтэһии кыайыылаахтара быһаарылыннылар

Социалистическай Үлэ Дьоруойа Афанасий Егорович Степанов төрөөбүтэ 105 сылыгар, Улуу Кыайыы 80 сылыгар, Уһук Илин ФУо 25 сылыгар анаммыт өрөспүүбүлүкэтээҕи «Cылгыһыт күрэҕэ» саҕаланна. Кыттааччылар долгуйуу бөҕөтө.

Бастакынан Амма улууһун 2 хамаандата «Бөтүҥ»уонна 1 Наахара нэһилиэгин хамаандалара кытталлар. Бөтүҥнэр кыһыл, тиэлигилэр оранжевай таҥастаахтар. Бу ахсыс өрөспүүбүлүкэтээҕи күрэхтэһии буолар. Уопсайа 13 улуустан 19 хамаанда кыттар. Бастаабыт хамаанда 2 мөл. 500 тыһ. солк. ылыаҕа. Иккискэ — УАЗ-фермер массыына, үһүскэ — буран. Дьэ, ким кыайар эбитий?

9 кылаас оҕолоро түһүмэҕи саҕалаатылар. Сүүрэн кэлэн баран аттарын ыҥыырдаатылар. Онтон бэрэмэдэйи иилэ быраҕан баран ойуттулар. Онтон сыарҕаларын көлүйэн бэтэрээннэр бараллар. Амма Бөтүҥүн хамаандатын бэтэрэээнэ сыарҕата элэҥнээн олорор. Дьэ, ол да буоллар Тиэлиги ата кутуруга субуллар. «Дьиҥэ, Тиэлиги ата ааттаах эбит»,— дэстилэр көрөөччүлэр. Аны сыарҕаларын арааран сыбыдахтыы миинэн мэһэйи көтөллөр. Онтон Амма Бөтүҥүн хамаандата куулун аҕалан буочукаҕа уга оҕуста.

Уус Алдан уонна Нам иккис хамаандалара таҕыстылар. Нам сүүрүгэ хара элэмэс бэркэ сүүрэр эбит дэстилэр. Уус Алдан кыайда.

Мэҥэ Хаҥалас Тараҕайа уонна Бүлүү хамаандата илин-кэлин түсүһэллэр. Икки төгүл үрүҥ көмүс мэтээли кэппиттэр эбит тараҕайдар. Уус Алдан бириэмэтэ — 8 мүн.8 сөк. 81 суотай. Нам— 12 мүн. 43 сөк.

Үүннэрин түһэрэн эҥин, араас күлүүлээх түгэн элбэх. Бэрэмэдэй быраҕыытын түһүмэҕэр тиийэн эрэллэр. Бэрэмэдэйи хайалара түргэнник быраҕар?

Табаҕалар бэрэмэдэйдэрин сыыһа уурбуттар диэтилэр. Ол эрээри табаҕалар сыарҕаларын кэтэн, ойута турдулар. Онтон сыарҕаны сыгынньахтаан баран сылгыы ыҥыырдыыр. Онтон мэһэй маһы Табаҕа ата бэркэ көтүттэ. Куулун ыйааһына 10 киилэлээх үһү. Ат күүскэ тиритэ-хорута айаннаан кэллэ. 8 мүн. 31 сөк. — бу Табаҕалар көрдөрүүлэрэ. Күрэхтэһии кэмигэр босхо эт миинин иһин диэн ыҥырдылар.
Бүлүү көрдөрүүтэ —13 мүн. 25 сөк. 61 суотай .

Амма 1 xамаандата уонна Уус Алдан 1 хамаандата күөн көрсөллөр. Амма «Давидофф» XЭТ эбит. Аммалар икки ураҕаһы түһэрэн кэбистилэр эрээри сыарҕаны көлүйээри эрдэ тиийдэ. Аммалар икки аҥаар мөлүйүөҥҥэ хамаандалара чугастар диэн атын улуустар сэрэхэчийдилэр. Быраабыланы кэһиилэргэ ыстарааптар 5 сөкүүндэттэн 15 сөкүүндэҕэ диэн эттилэр. Амма 1 хамаандата — 7 мүн. 20 сөк., Уус Алдан — 8 мүн. 17 сөк.

Чурапчы 1 хамаандата уонна Хаҥалас хамаандата куоталаһаллар.Чурапчы Хоптоҕо хамаандата былырыын иккис миэстэ буолбут. Быйыл аттара тэһии буолан, сыарҕаҕа көлүттэримээри гынан эрэйдээтилэр. Аттан олус тутулуктаах эбит. Хаҥалас ата ойута турда, чурапчылары сыарҕалара атахтаата. Чурапчы төрдүс түһүмэххэ барыытыгар Xаҥалас финишкэ чугаһаата. Куул миэстэтин булла. 8 мүн. 45 сөк.— Хаҥалас. Чурапчылар, дьэ, биэтэккэ чугаһаатылар. Аттара, дьиҥэ, сүүрэрэ үчүгэй эбит. Чурапчы — 10 мүн. 53 сөк.

Горнай уонна Мэҥэ Хаҥалас таҕыстылар. Мэҥэ Хаҥаластар Мөҥүрүөн нэһилиэгэ эбит. Мөҥүрүөн ата барыы да барыы. Сыарҕа көлүйүүтүттэн түмүк олус тутулуктаах. Горнай ата бэрэмэдэйтэн сиргэнии бөҕөтө. Маттабыт ата барыан олох баҕарбат курдук. Матта — 8 мүн. 32 сөк. 56 суотац. Дьэ, 2,5 мөл солкуобайы ким ылыай? Киирсии кытаанах, ыстараап да баһаам. Горнай — 12 мүн. 34 суотай.

Чурапчы 2 хамаандата уонна Дьааҥы тахсыахтара. Таастаах Дьааҥы былааҕа өрө күөрэйдэ. Даҕаны аттара сыарҕаны көлүйүүгэ сүүрдээччитэ суох тиийэн дьону күллэрдэ. Чурапчы —8 мүн. 52 сөк. 80.
Аны Өлүөхүмэ уонна Таатта. Таатта зигзакка биир ураҕаһы суулларда. Тэҥҥэ барыы буолла. «Сыарҕа быһаарыа»,— дэһэллэр мэҥэ хаҥалас көрөөччүлэрэ. Ахсыс өрөспүүбүлүкэтээҕи күрэхтэһии ити курдук бэрт сэргэхтик барар. Өлүөхүмэ —9 мүн. 3 сөк., Таатта — 10 мүн. 00,91 сөк.

Нам 1 xамаандата Үөһээ Бүлүүлүүн туруулаһар.Үөһээ Бүлүүлэр аттара сэргэх диэн сыана быстылар. Иккиэн араа-бараалар курдук. Этэллэрин курдук, сыарҕа көлүйүүтэ быһаарыа. Афанасий Иванов төрдүс этапка тиийэн эрэр. Нам ата сыарҕатын ыһан кэбистэ. Үөһээ Бүлүү— 9 мүн. 5 сөк. 72 суотай.

Күрэхтэһии түмүгэ тахсара бу кэллэ. Бүтэһигинэн Ньурба ата соҕотоҕун барар. Соҕотох улуус кыттар буолан, дьон болҕомтото сүүрдээччигэ туһаайылынна. Ахсыс төгүлүн ыытыллар «Сылгыһыт күрэҕэр» туочуканы Ньурба улууһа туруорар буолла. Маалыкайдар эбит. Ньурбалар аттара буочукаҕа кууллаах бурдугун бырахтарбакка эрэйдээтэ.Туһугар кыайыыга дьулуур диэххэ сөп.

Найахы оскуолатын үөрэнээччитэ Владимир Музафаровка «Эдэр кыттааччы»  анал ааты иҥэрдилэр . Саамай аҕам саастаах кыттааччыга — Иван Петрович Кычкиҥҥа иҥэрдилэр. Түмүккэ, Амма Бөтүҥ хамаандата бастаата, 2,5 мөл солк. бирииһи тутта. 2 миэстэ — Мэҥэ Хаҥалас 1 Наахара Тиэлиги сэл. хамаандата иккискэ тахсан, УАЗ-фермер массыынаны туттулар. Үһүс миэстэҕэ Амма улууһун «Давидофф» таҕыста уонна буран ылла. Ол эбэтэр Бөтүҥ ТХПК- 7 мүн. 58 сөк. 42 суотай. Тиэлиги сэл.— 7 мүн. 58 сөк. 57 суотай. «Давидофф»— 8 мүн. 00 сөк. 40 суотай.