Хаартыскаҕа уонна видеоҕа Женни Стрюкова түһэрдэ
Бүгүн, кулун тутар 22 күнүгэр, Мэҥэ Хаҥалас улууһугар «Сылгыһыт күнүн» сүрүн тэрээһиннэрэ ыытыллаллар.
Бу өрөспүүбүлүкэтээҕи тэрээһиҥҥэ СӨ Тыатын хаһаайыстыбатын миниистирэ Артем Александров, миниистири солбуйааччы Николай Афанасьев, Ил Түмэн дьокутааттара Александр Атласов, Андрей Находкин, Мэҥэ Хаҥалас улууһун баһылыга Дмитрий Тихонов уо.д.а. кытталлар.
Дьэ, онтон улуустар хамаандаларын дэлэгээссийэлэрэ сэлэлии хааман киирдилэр. Ол кэнниттэн алгыс сиэрэ-туома толорулунна. Сахалыы таҥастаах Далбар хотуттар, сылгыһыттар, Дьөһөгөй оҕотун сэргээччилэр арчылааһыҥҥа кытыннылар. «Куоҥ Харах» үрдүнэн бэл, дьыбар тахсан, күн үөрэ-көтө мичилийбит курдук буолла.
— Ытыктабыллаах сылгыны иитээччилэр. Ааттаах-суоллаах тохсус төгүлүн ыытыллар «Сылгыһыт күрэҕэ» ыытыллар. Инникитин өссө атын көрүҥнэри киллэриэхпит, — диэтэ миниистир Артем Александров.
Мэҥэ Хаҥалас улууһун баһылыга Дмитрий Тихонов өрөспүүбүлүкэтээҕи күрэх саҕаламмытынан эҕэрдэлээтэ. Быйылгы тэрээһиҥҥэ улуус нэһилиэктэрэ көхтөөхтүк кыттыбыттарын бэлиэтээтэ.
Ил Түмэн норуодунай дьокутаата Александр Атласов сылгыһыттар күрэхтэрэ буоларынан эҕэрдэлээтэ. Ыраах улуустартан соноҕостору атастаһыы, атыылааһын барбытын биһирээтэ. Серафим Терентьев сылгыһыт күрэҕэ саҕаланарын иһитиннэрдэ.
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …