Сылгыттан куттанан массыынаҕа сааллыбыт

Барыллаан дааннайынан, бэс ыйын 26 күнүгэр күнүс 13 чаас саҕана Сунтаар сэлиэнньэтигэр Октябрь 70 сыла уул. 1 №-дээх дьиэтин олбуоругар 11 саастаах кыыс сылгылартан куотабын диэн ааһан иһэр Тойота Королла Филдер массыына уҥа кынатыгар сааллыбыт.

Массыынаны 1973 с.т. суоппар ыытан испит.

Быһылаан түмүгүнэн сааһын ситэ илик оҕону Сунтаар балыыһатын хирургическай отделениетыгар киллэрбиттэр, онно киниэхэ атаҕын сүһүөҕүн өлөрбүтүн быһаарбыттар, эми анаабыттар.

Бэрэбиэркэ быһаарбытынан, иномарка суоппара В, В1 категориянан 13 сылы быһа массыына ыыппыт ыстаастаах, быйыл ГАИ лииньийэтинэн буруйу оҥоруута суох, суол быһылааныгар эмсэҕэлээбэтэх, өйдөөх уонна курун кэтэ сылдьыбыт.

ДТП буолбутунан бэрэбиэркэ бара турар.

ИДьМ Госавтоинспекциятын управлениета дьону элбэх массыына сылдьар сиригэр болҕомтолоох буолалларын санатар. Суоппардары дьон элбэх сиригэр кыраҕы харахтаналларын, ускуораһы аччаталларын уонна бэйэ-бэйэҕэ ытыктабыллаах буолалларыгар ыҥырар.