Сылы быһа үлэлиир маҕаһыыныттан уорбут

Дьокуускайга комиссионнай маҕаһыын бэрэстэбиитэлэ  2-с нүөмэрдээх полиция отделыгар кэлэн,  табаары уорбуттарын туһунан иһитиннэрбит.

Үлэһиттэр инвентаризация кэмигэр сыаналаах сотовай төлөпүөн, ноутбук, 7 көмүс оҥоһук уонна 66 тыһыынчаттан тахса суумалаах харчы сүппүтүн билбиттэр. Уопсай хоромньу 950 000 солкуобайтан тахсыбыт.

Холуобунай ирдэбил үлэһиттэрин суһал-көрдүүр тэрээһиннэрин түмүгүнэн,   бу маҕаһыыҥҥа үлэлээбит, урут сууттана сылдьыбыт 27 саастаах киһи уорбутун быһаарбыттар.

Кини сулууспалыыр балаһыанньатынан туһанан, сыл аҥаара кэм устата табаардары уоран, атын комиссионнай маҕаһыыннарга туттара сылдьыбыт. Бэйэтэ эппитинэн, киирбит харчыны  иэстэрин төлүүргэ туһаммыт.

(прокуратура матырыйаалынан)