Ааптар тиксэриитэ
Өрөспүүбүлүкэтээҕи Оһуохай уопсастыбата сылы түмүктүүр оһуохайа Кыайыыны түстээтэ.
Күнүс 1 чаастан «Арчы» дьиэтигэр элбэх киһи тоҕуоруста. Кэлэр сылы чэгиэн-чэбдик көрсөргө, Арассыыйа үрдүнэн Кыайыы буоллун диэн алгысчыт Бүөтүр Кыычыкын аал уоту оттон, арыылаах алаадьынан айах тутан алҕаата. Алгыс ылаат, сэргэхсийээт, аны Чысхаан киирэн эҕэрдэлээн туран, алгыстаах оһуохайы төрүттээтэ. «Оһуохай» түмсүү бэрэссэдээтэлэ, СӨ култууратын үтүөлээх үлэһитэ Александр Джурович Данилов — Дьулуур Хаан быйылгы сыл түмсүүгэ ураты, кэрэ бэлиэ сыл буоларын бэлиэтээтэ.
Ол курдук, быйыл ыам ыйыгар Оһуохай күнэ олохтонон, Ил Дархан ыйааҕа тахсан, бар дьон санаата түмүлүннэ, көнньүөрдэ, сүргэтэ көтөҕүлүннэ. Түмсүү иһинэн элбэх ситиһии, инникитин өссө сайыннаран үлэлииргэ сыал-сорук туруорулунна. Оһуохай түмсүүтүн 7 этээччитэ, Ил Дархан Оһуохайга стипендиаттара буоллулар. Салайааччыбыт эҕэрдэтин кэнниттэн спортивнай күрэхтэһии, урбаанньыт Розалия Федорова Аар тайҕа ырыаһыта, тойуксута, оһуохайдьыт, С.А.Зверев — Кыыл Уолун үбүлүөйүн көрсө биир сахалыы атах таҥаһын бааттаах илии тутарыгар анаан оонньотто. Кыайыылааҕынан үтүөлээх этээччи, Ньурбаттан Валентина Сухаринова тиксэн, үөрүү үтүмэнэ буолла. Спортивнай күрэхтэһии, оһуохай түмүгүнэн кыайыылаахтарга, ситиһиилээхтэргэ бириистэри туттардылар.
Александр Джурович талааннаах салайааччы буоларын таһынан, байанайдаах булчут. Кини улахан балыгы астаан аҕалан бар дьонун күндүлээн үөртэ.
Кыайыыны түстүүр оһуохайбытыгар сүүстэн тахса киһи сырытта.
Марта Николаева
Хаартыскалар ааптар тиксэриилэрэ.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…