Хаартыска: СӨ успуорт министиэристибэтиттэн
Дьокуускайга «Дохсун» успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ, «СпортЭкспо» быыстапка буола турар.
—Бүгүҥҥүттэн олус наадалаах тэрээһин саҕаланна. Успуорт хас биирдии киһиэхэ туһалаах уонна хас биирдии киһи физкултууранан дьарыктанар кыахтаах буолуохтаах. Оннук тэрээһиннэр төһө кыалларынан элбииллэрэ наада. Онон успуорт араас көрүҥнэрин киэҥник тарҕатар сорук турар. Успуорт министиэристибэтигэр бары хайысхаларга тэрээһиннэри өйүүллэригэр махтанабын. Бииргэ көмөлөөн успуордунан бары дьарыктанар кыахтаналларын тэрийиэхпит, — диэн этэр СӨ Бырабыыталыстыбатын Бэрэссэдээтэлин солбуйааччы Анатолий Семенов.
СӨ физическэй култууратын уонна успуордун миниистирэ Леонид Спиридонов спортивнай сыл ситиһиилээхтик түмүктэммитинэн мустубут ыалдьыттары эҕэрдэлээтэ.
—Бука барыгытын 2025 спортивнай сыл ситиһиилээхтик түмүктэммитинэн эҕэрдэлиибин. Ситиһиллибит түмүктэр Ил Дархан Айсен Николаев уонна СӨ Бырабыыталыстыбатын, Саха сиригэр успуорду сайыннарааччылар: спортсменнар, тириэньэрдэр, исписэлиистэр, энтузиастар өйөбүллэринэн, көмөлөрүнэн кыалыннылар. Сарсын, өйүүн киэҥ бырагыраама биһигини күүтэр. Барыгытыгар таһаарыылаах үлэни баҕарабын, — диэтэ миниистир.
Түмүктүүр тэрээһин иитинэн быыстапкалар, мас-рестлиҥҥэ өрөспүүбүлүкэ чөмпүйэнээтэ, наҕараадалары туттарыы, успуорт сулустарыттан автограф-сиэссийэ, «Тимир» ГТО саҥа дьыллааҕы турнир, Fidgital Sport (гибрид киберспорта иреальной физической активности), ону сэргэ «Саҥа дьыллааҕы остуоруйа» өрөспүүбүлүкэтээҕи бэстибээл-куонкурус ыытыллаллар.
Бүгүн «Дохсун» СК ГТО нормативтарын туттараллар. Министиэристибэттэн иһитиннэрбиттэринэн, манна ким баҕалаах кыттыан, физическэй бэлэмин бэрэбиэркэлэнэн көрүөн, ГТО нуорматын туттарыан сөп. Кыттааччылар сыал ыталлар, миэстэтиттэн ырааҕы ыстаналлар, уо.д.а. толорон көрөллөр.
Маны таһынан, маастар-кылаастар, Медасс уонна Омега аппарааттарга диагностикалааһын ыытыллыахтара, 1 №-дээх поликлиника уонна «Аврора» килииникэ быраастара сүбэ-ама оҥоруохтара.
Тэрээһин РФ Бэрэсидьиэнэ В.Путин көҕүлээбит «Арассыыйа успуорда» бырагыраама сыалын-соругун толорууга туһуланар.
Сиһилии: https://www.sakha.gov.ru/news/17471
СӨ Ил Дарханын уонна Бырабыыталыстыбатын пресс-сулууспата
Хаартыска: СӨ успуорт министиэристибэтиттэн
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…
2025 сыл түмүктэринэн Арассыыйа тыатын хаһаайыстыбатыгар үрдүк түмүктэри көрдөрдө. Бу туһунан дойду Бэрэсидьиэнэ Владимир Путин…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Бүгүҥҥү сылы түмүктүүр быһа эпииргэ Арассыыйа Бэрэсидьиэнэ Владимир Путин дойду Украинаҕа буола турар иирсээни быһаарарга…
РФ Бэрэсидьиэнэ Владимир Путин кэмпириэнсийэтэ көхтөөхтүк, сэргэхтик саҕаланна. Ыйытыылар киирэ тураллар. Олортон биирдэстэринэн "Дьоруойдар кэмнэрэ"…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…