Ил Дархан Айсен Николаев “Байыаннай сулууспалаахтар дьиэ кэргэттэрин өйүүр миэрэлэр туһунан” ыйааҕар олоҕуран, “Бэс Чагда” оҕо сынньалаҥын уонна доруобуйаны бөҕөргөтөр сылы эргиччи үлэлиир кииҥҥэ анал байыаннай эпэрээссийэ кыттыылаахтарын тоҕус оҕото сынньанар. Үөрэх уонна билим министиэристибэтэ оҕолор айаннарын төлөбүрүн олоччу уйунар. Бу туһунан брифинг кэмигэр СӨ оҕо быраабыгар боломуочунайа Туйаара Васильева иһитиннэрдэ.
“Сэрэтэр тэрээһиннэр иитинэн Ил Дархан Айсен Николаев ыйааҕа туолуутун бэрэбиэркэлээтим. Оҕолор күҥҥэ биэстэ аһыыллар. Түөртүү хостоох сиэксийэлэргэ олороллор. Мэдиссиинэ көмөтүн ылаллар уонна доруобуйаларын бөҕөргөтүнэллэр”, — диэн оҕо боломуочунайа иһитиннэрэр.
Бу күннэргэ “Бэс Чагда” кииҥҥэ “Мин — лидербин” диэн тиэмэлээх симиэнэ буола турар. Киин үлэһиттэрэ оҕолор лиидэр буолар хаачыстыбаларын уонна айар кыахтарын арыйар анал бырагыраамалары оҥорбуттар. Бу симиэнэ иитинэн оҕолор доруобуйаларын бөҕөргөтөллөр, үөрэнэллэр, араас тэрээһиннэргэ сылдьаллар. Байыаннай эпэрээссийэ кыттыылаахтарын оҕолоругар анаан ахсынньы 9 күнүгэр “Бэс Чагдаҕа” “Саҥа сыллааҕы ап” (“Новогоднее волшебство”) диэн анал симиэнэ тэриллиэҕэ. Тустаах симиэнэҕэ номнуо 60-тан тахса сайаапка киирбит, билигин даҕаны ылаллар.
Ону таһынан, Сунтаар улууһугар “Сир уустара” сылы эргиччи лааҕыр үлэлиир. Манна байыаннай сулууспалаах 14 оҕотун сынньатар былааннаахтар. Кэлэр симиэнэҕэ сайаапкалары номнуо ыыппыттар. Санатан эттэххэ, оҕо лааҕырдарыгар босхо путевка биир төрөппүт эбэтэр сокуоннай бэрэстэбиитэл сайабылыанньатынан бэриллэр. Сайабылыанньаны “Мин докумуоннарым” киин офистарыгар эбэтэр e-yakutia.ru судаарыстыбаннай уонна муниципальнай өҥө электроннай порталыгар ыытыахха сөп. Кэлэ-бара айан төлөбүрэ босхо.
Өйөбүл миэрэлэри быстах хомуур кэмигэр байыаннай сулууспаҕа ыҥырыллыбыттар, 2022 сыл олунньу 24 күнүттэн анал байыаннай эпэрээссийэҕэ кыттар эбэтэр кыттыбыт итиэннэ анал байыаннай сорудаҕы толорууга баҕа өттүнэн хантараак түһэрсибит дьон дьиэ кэргэттэрин чилиэннэрэ туһанар кыахтаахтар.
Ил Дархан уонна СӨ Бырабыыталыстыбатын пресс-сулууспата.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…