Сылыйара чугаһаата. Синоптиктар Саха сиригэр -1 кыраадыс буолуо дииллэр

Аҕыйах хонугунан арҕааҥҥы циклоннар күүһүрдэхтэринэ, Саха сиригэр тымныы намырыа. Ол курдук, субуотаҕа сорох оройуоннарга күнүс салгын температурата -1 кыраадыс буолуоҕа.

Саха сиринээҕи УГМС иһитиннэрэринэн, бээтинсэҕэ өрөспүүбүлүкэ үгүс оройуоннарыгар сөҥүүлээх буолара күүтүллэр. Хотугулуу-арҕаа уонна арҕаа кыратык хаардыаҕа.

Бээтинсэҕэ күнүс киин оройуоннарга -10…-15 кыраадыс, арҕаа -3…-8 , хотугулуу-илин — -20…-25. Субуотаҕа уонна өрөбүлгэ температура үрдүөҕэ: киин оройуоннарга күнүс -7…-12, илин уонна хоту –12…-17, арҕаа оройуоннарга салгын -1…-7 кыраадыска диэри сылыйыаҕа.

Дьокуускайга кулун тутар 14 күнүгэр -14…-16 кыраадыс буолуо диэн сабаҕалыыллар.

Өрөбүллэргэ -8…-10 кыраадыс.