Хаартыска: ЯСИА
Күндү түүлээх — элбэх сыраттан, үлэттэн кэлэр, тулуурдаах, дьулуурдаах, булдунан ис сүрэҕиттэн сөбүлээн дьарыктанар дьон дойдубут хааһынатын хаҥатар валютата.
Сахабыт сиригэр күндү түүлээҕи бултуур уонна туттарар улам судургутуйан эрэрин кэнники сылларга үгүс булчут бэлиэтиир буолбута киһини үөрдэр. Тыалыыр, түүлээхтиир дьоҥҥо сөптөөх усулуобуйа тэриллэр буолла. Кистэл буолбатах, булт туһунан аныгы сокуоннар сорох бултуон баҕалаахтары тэйитиэхтэрин сөп.
Араас хааччах, ыстараап, бобуу, тарыып үрдээн иһэрэ, докумуон, саа-сэп бэрэбиэркэтэ… Сорохтор араас элбэх кумааҕы, былааҥка толорортон саллан, “тыалыыр” докумуоннары эккирэтиһэ, сырса сатыа суохтарын сөп.
Дойду үрдүнэн тыаһыттар, булчуттар аҕыйаан иһэллэрэ кистэл буолбатах. Бэл, судаарыстыбаннай порталларга туһааннаах көҥүлү ыларга көмөлөөх оцифровка да улаханнык туһалаабат. Кырдьаҕас булчуттар билиҥҥи технологияттан ыраахтар. Эдэрдэртэн сорохторо бүрэкирээтийэ моһоллоруттан саллан, ылса сатаабаттар. Быһаарылла илик боппуруос элбэх, ылсыахха эрэ наада.
Саха сирэ булчуттар тустарыгар ылыллар сокуоннар ахсааннарынан дойду атын эрэгийиэннэриттэн инники күөҥҥэ сылдьарын бэлиэтиэххэ наада. Ол курдук, Ил Түмэн сааскы-күһүҥҥү көтөрү бултуур көҥүлү судургутутар туһуттан, булт сокуонугар тоҕоостоох уларытыылары киллэрэрэ хайҕаллаах дьыала. Ол түмүгэр, куһу, хааһы бултуон баҕалаахтар билигин лиссиэнсийэни ыларга сылы эргиччи, талбыт бириэмэҕэ, сайаапка толорор кыахтаахтар.
Урут сайаапканы кус сезона аһыллара 1 ый эрэ инниттэн толоруллара. Уһун уочарат буолара. Билигин ол тохтоото.
Аны туран, күндү түүлээҕи уонна көтөрү бултуур судургутуйда, ол Булт туһунан сокуоҥҥа уларытыылар киирбиттэрин кытта сибээстээх.
Ил Түмэн быһаарыытынан, аҕыйах ахсааннаах төрүт омуктар олохторун үгэс буолбут укулаатын оннунан хаалларар туһуттан, кинилэр бултуулларыгар эбии көҥүлү ылаллара ирдэммэт.
Билигин тыалыыр, күндү түүлээх соноругар турунар дьоҥҥо саамай кэмэ. Булчуттарга Баай Барыылаах тойон эһэлэрэ мичик аллайдын, кинилэри өттүк харалаан, илии тутуурдаан ыыттын!
Сарыал Жирков.
Хаартыска: ЯСИА.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…