Хаартыска: PxHere
Ленскэйгэ оройуоннааҕы балыыһа санитарката сууттанна.
Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар сууттанна. Кини РФ Холуобунай кодексын 292 ыстатыйатын 1-кы чааһынан, 33-с ыстатыйатын 4-с чааһынан буруйдааҕынан билинилиннэ.
Суукка биллибитинэн, 2025 сыл олунньу 3 күнүгэр бу дьахтар оройуон балыыһатыгар санитарканан үлэлии сылдьан, бэйэтин уолун үлэтиттэн уураттарымаары (уола олунньу 3-13 күннэригэр административнай хаайыллыыга түбэспитинэн, үлэтиттэн үүрүллүөн сөп эбит), неврологическай отделение сэбиэдиссэйигэр, невролог-бырааска сымыйа «больничнай» суруйан биэрэригэр көрдөспүт.
Уола балыыһаҕа көрдөрбөтөх. Быраас сөбүлэһэн, кини көрдөһүүтүн толорон, сымыйанан пациены көрбүт уонна үлэлииригэр мэһэйдиир ыарыыны булбут курдук докумуону толорбут уонна «больничнай лииһи» биэрбит, илии баттаабыт.
Суукка санитарка дьахтар буруйун толору билиннэ. Суут буруйу чэпчэтэр түгэннэри: буруйу толору билиниини, кэмсиниини уонна дьахтар кыра оҕолооҕун учуоттаата. Бу буруйу оҥоруу иһин дьахтарга накаастабыл ананна: 30 тыһыынча солкуобайдаах ыстараап.
Бириигэбэр сокуоннай күүһүгэр киирэ илик диэн СӨ сууттарын пресс-сулууспата иһитиннэрэр.
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…