Сымыйа дастабырыанньалаах эдэр кыыска холуобунай дьыала көбүтүлүннэ

Дьокуускай куоракка сымыйа суоппар быраабынан туһаныынан холуобунай дьыала тэрилиннэ. Бу туһунан ИДьМ Дьокуускайдааҕы салаатын пресс-сулууспата иһитиннэрдэ.

Госавтоиниспиэксийэ  сотрудниктара  Марха түөлбэтигэр  үлэлиир кэмнэригэр,   18 саастаах массыына суоппарын  тохтоппуттар. Докумуоннарын бэрэбиэркэлииллэригэр, кыыс  сымыйа  суоппар быраабын дастабырыанньатын көрдөбүт.

Эдэр суоппар  кэпсээбитинэн, былырыын куйаар ситимин нөҥүө биллэриинэн суоппар быраабын 105 тыһ. солк. атыыласпыт.

Билигин эдэр кыыска РФ Холуобунай кодексын  327  ыст. 3 ч. («Использование заведомо поддельного документа») холуобунай дьыала көбүтүлүннэ.