Хаартыска: PxHere
СӨ Ленскэй оройуонун суутунан олохтоох дьахтар РФ ХК 322.1 ыст 1 ч. Арассыыйа Федерациятыгар тас дойду гражданнарын көҥүлэ суох сылдьыыларын тэрийии иһин сууттанна.
Кини Лингводидактика, тылы тиэстээһин уонна миграция бэлиитикэтигэр көмөлөһүү киинин исписэлииһинэн үлэлии сылдьан, 2022 сыл балаҕан ыйын 1 күнүттэн 29 күнүгэр диэри бэйэтэ тэрийэн, нуучча тылыгар, Арассыыйа историятыгар уонна РФ сокуонун төрүттэригэр тас дойду икки гражданыгар сымыйа эксээмэни ыыппыт. Бу сыалынан үлэҕэ көҥүлү эбэтэр патены ылыы буолбут.
Кини үлэни биэрээччилэри кытта эрдэттэн дуогабардаһан, хас биирдиилэригэр 10 200 солк. харчыны сокуоннайа суохтук ылбыт. Буруйдаах тургутук сорудаҕар эрдэттэн бэлэмнэниллибит эппиэти биэрэн, омук гражданнара устан ылалларыгар көмөлөспүт. Онон эксээмэн ситиһиилээхтик ааспытын курдук быһыыны-майгыны тэрийбит. Ону тэҥэ суругунан үлэҕэ кинилэр толорботохторун үрдүнэн сөптөөх бааллары туруорбут. Эксээмэни тутар хамыыһыйа чилиэннэрэ буруйдаах дьахтары сокуоннайа суох дьайыыларыгар уорбалаабакка, кини киллэрбит докумуоннарыгар уонна видеоматырыйаалларыгар олоҕуран нуучча тылын, Арассыыйа историятын уонна РФ сокуонун билэллэрин туһунан сэртипикээттэри туттарбыттар. Бу сэртипикээттэр үлэни биэрээччилэргэ бэриллибиттэр. Онон бу сэртипикээттэргэ олоҕуран, ити икки киһи Арассыыйаҕа үлэлииллэригэр патеннары ылбыттар. Буруйдаах дьахтар тустаах дьон Арассыыйа сиригэр-уотугар көҥүлэ суох сылдьалларыгар көмөлөспүт.
Саха Өрөспүүбүлүкэтин холбоһуктаах сууттарын пресс-сулууспата
Бу нэдиэлэҕэ Саха сириттэн байыаннай дьайыы ыытыллар сиригэр Аҕа дойдуну көмүскээччи күнүгэр аналлаах бырааһынньыктааҕы ас-үөл…
“СВОе дело|14” үөрэтэр бырагыраамаҕа сайаапкалары ылыы саҕаланна. Бу бырайыак урбаан төрүттэрин баһылыырга, бэйэ дьыалатын арыйарга…
Саха чулуу уола, албан ааттаах кикбоксер, уопсастыбаннай диэйэтэл, меценат, СӨ кикбоксиҥҥа Федерациятын вице-бэрэсидьиэнэ, "Сатал" СОНТ…
Бүгүн Араагы утары охсуһуу бүтүн аан дойдутааҕы күнэ. Бу күнү көрсө Саха сиригэр олунньу 2-6…
Саха сирин ювелирнай хампаанньалара олунньу 4-8 күннэригэр Санкт-Петербург куоракка JUNWEX норуоттар икки ардыларынааҕы быыстапкаҕа кыттыахтара.…
Арассыыйаҕа чикунгунья лихорадка соччо куттала суох, тоҕо диэтэххэ, киһиттэн киһиэхэ буолбакка, бырдах нөҥүө бэриллэр, диэн…