Сымыйа харчынан ас-үөл атыыласпыт

Үөһээ Бүлүү улууһугар «банк приколов» билиэтинэн ас-үөл атыыласпыт киһиэхэ холуобунай дьыала көбүтүллүбүтүн туһунан ИДьМ пресс-сулууспата иһитиннэрдэ.

Ол курдук олохтоох кафеҕа бэрэбиэркэ кэмигэр каассаҕа  атыыһыт «банк приколов» диэн сымыйа харчылар баалларын көрөн, полицияҕа тыллаабыт.

Суһал-ирдиир үлэ кэмигэр холуобунай ирдэбил үлэһиттэрэ  уорбаланааччы ким буоларын быһаарбыттар. Ол курдук 41 саастаах  эр киһи сымыйа харчынан билэ-билэ, ас-үөл атыыласпыт. Кассирга сымыйа 2 тыһ. солк. төлөөбүт уонна өссө 5000 солк. бытарыттарбыт.

Билигин эр киһиэхэ РФ Холуобунай кодексын 159 ыст. 1 ч.  («Мошенничество») холуобунай дьыала тэрилиннэ.