Сымыйа харчынан бырайыаһын төлөөбүт итиэннэ дьон малын уорбут киһи сууттанна
18.09.2025, 12:20
Хаартыска: ЯСИА
Бөлөххө киир:
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан аккумуляторнай батарыайалары, бааҕы, радиаторы уо.д.а. маллары уоран, хаһаайыҥҥа 26 000 солк. хоромньуну таһаарбыт.
Эмиэ ити кэмҥэ, бэс ыйыгар, «Drivee» сыһыарыынан таһаҕаһы тиэйии өҥөтүнэн туһанан баран, суоппарга сымыйа «банк приколов» диэн 5 000 солк. билиэтинэн төлөөбүт. Итиэннэ харчытын ордугун 4500 солк. ылбыт.
Эр киһи аны сэтинньи ыйга арыгылыы олорон, биллибэтинэн биир дьахтар «Redmi Note 8 pro» төлөпүөнүн уонна «Apple AirPods pro 2» наушнигын уорбут.
Сууттанааччы силиэстийэ кэмигэр эмсэҕэлээччилэргэ хоромньуну төлөөбүт уонна бырастыы гыналларыгар көрдөспүт.
Суут судаарыстыбаннай буруйдааччы санаатын учуоттаан, эр киһи хамнаһыттан 10 бырыһыанын судаарыстыба дохуотугар ылан туран, 4 сылга күһэлэҥ үлэҕэ бириигэбэрдээбит.
Суут бириигэбэрэ сокуоннай күүһүгэр киирэ илик.
Сообщить об опечатке
Текст, который будет отправлен нашим редакторам: