МВД-Медиа хаартыската.
Алдан оройуонунааҕы РФ ИДьМ отделениетын бастаан силиэстийэлиир уоргана үлэҕэ киирэргэ сымыйа докумуоннары туһаммыттарынан холуобунай дьыаланы тэрийэн суукка ыытта.
Краснодарскай кыраай 54 саастаах олохтооҕо Алдан оройуонугар үлэ миэстэтэ баарын туһунан биллэриини көрөн, вахтовай ньыманан кыладыапсыгынан үлэҕэ киирэргэ быһаарыммыт. Ол гынан баран, үлэҕэ киирэргэ ирдэнэр мэдиссиинискэй чинчийиини ааһарын оннугар, 8000 солкуобайга сымыйа мэдиссиинискэй түмүгү атыыласпыт, онтукатын тэрилтэ каадырга отделыгар көрдөрбүт.
Дьахтар мэдиссиинискэй түмүк сымыйанан оҥоһуллубутун кимиэхэ да эппэтэх, бэрэбиэркэлиэхтэрэ суоҕа диэн эрэммит. Дьиҥнээх түмүгү ыларга быраастарга көрдөрүөххэ наадатын чопчу билэр эрээри, бириэмэтэ ыгым буолан атыыласпыт.
Төһө эрэ кэминэн дьахтары тэрилтэ куттал суох буолуутун сулууспата ыҥыран ылан, кини көрдөрбүт мэдисиинискэй түмүгэ сымыйанан оҥоһуллубутун эппиттэр уонна былдьаан ылбыттар. Кэлин дьахтар Алдан оройуоннааҕы балыыһатыгар көрдөрүнэн, барыллаан мэдисиинискэй чинчийиини сокуону тутуһан ылбыт.
Официальнай докумуону туһанар сыалтан ылыы, харайыы, тиэйии чахчытыгар олоҕуран, РФ Холуобунай кодексатын 327 ыстатыйатын 3 чааһынан холуобунай дьыала тэрилиннэ, диэн иһитиннэрэр Алдан оройуонунааҕы РФ ИДьМ отделениета.
Санкт-Петербурга түмэл устун робот-ыты күүлэйдэтэр үлэҕэ ыҥырбыттар. Хамнаһа ыйга 100 тыһ. солк. үһү. Ирдэбилэ –…
Хара санаалаахтар сокуоннай саастарын туола илик оҕолору кытта социальнай ситимнэргэ эбэтэр оонньуур бөлөхтөргө бииргэ сылдьан…
Ювелир-маастардар Арассыыйа устуоруйатыгар саамай улахан бриллианы кырыылаан бүтэрдилэр. Бу туһунан «Алроса» хампаанньа пресс-сулууспата иһитиннэрэр. Сэдэх…
Чурапчы улууһун Хоптоҕо нэһилиэгэр муус устар 4 күнүгэр СӨ култууратын туйгуна, А.В. Посельская аатынан…
Ил Дархан Ил Түмэҥҥэ Туһаайан этиитигэр байыаннай дьайыы кыттыылаахтарыгар, кинилэр дьиэ кэргэттэригэр уопсастыбаннас улахан көмөнү…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…