Хаартыска: pxhere.com
Аныгы кэм сибээһэ күүскэ сайдан нэһилиэнньэ ортотугар аймалҕаны таһаарар сыаллаах араас сымыйа сурахтар, дьон үбүн-харчытын отоойкоҕо олордуон баҕарааччылартан уо.д.а. сымыйа звоноктар уонна смс-тар кимиэхэ баҕарар кэлэллэр. Онуоха сорох итэҕэйбэт, сорох – итэҕэйэн аймана түһэр.
Арассыыйа байыаннай дьайыыга кытта сылдьар буойуттарын дьиэ кэргэттэригэр байыаннай сулууспалаах аҕалара, уоллара эбэтэр бырааттара өлбүтүн эбэтэр бааһырбытын туһунан сымыйа смс-тар, төлөпүөнтэн эрийиилэр кэлэр буоллулар. Саха сирин буойуттарын дьиэ кэргэттэригэр итинник түгэннэр буолуохтарын сөп, онуоха итэҕэйэ охсубакка, туһааннаах уорганнартан официальнай иһитиннэриигэ эрэ итэҕэйэр ордук.
Бу туһунан өрөспүүбүлүкэҕэ 122 сулууспа салайааччыта Мария Винокурова быйыл саас СИА саайтыгар кэпсээн, быһааран турар. Сэрэтиини хаһыат саайтын ааҕааччыларыгар таһаарар тоҕоостоох.
— Байыаннай сулууспалаах балачча өр сибээскэ тахсан кэпсэппэтэҕинэ, чугас дьоно, ийэлэрэ, кэргэттэрэ айманаллара баар суол. Аны онно эбии өссө өлбүтүн эбэтэр бааһырбытын туһунан төлөпүөнүнэн биллэриилэр кэлиэхтэрин сөп. Үксүгэр байыаннай сулууспалаах чугас дьоно иһитиннэрии кэлбит нүөмэригэр эрийэллэр. Оччоҕуна анарааттан эрийээччилэр ханнык сиртэн элбэх байыаннай баарын уонна чуолкай координаттарын билиэхтэрин сөп. Иһитиннэрии Украинаҕа регистрациялаах нүөмэртэн кэлэр түгэнигэр киһи тута сэрэхэчийэрэ, сэрэхтээх буолара наада. Саха сирин буойуттарын дьиэ кэргэттэригэр итинник түгэннэр тахсыахтарын сөп, онуоха итэҕэйэ охсубакка, туһааннаах уорганнартан официальнай иһитиннэриигэ эрэ итэҕэйэр быдан ордук. Өрөспүүбүлүкэ олохтоохторугар төлөпүөнүнэн биллибэт нүөмэрдэртэн кэлэр араас угаайылаах звоноктарга уонна смс-тарга итэҕэйэ охсубаккытыгар, эппиэттээбэккитигэр сүбэлиибит.
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…