Сымыйа ыспыраапкалаах хамандыыры туттулар

Саха сиригэр 64 саастаах пилот сөмөлүөтүнэн көтөрүгэр доруобуйатын туруга эппиэттиирин туһунан ыспыраапканы атыыласпыта биллэн, суукка эппиэттиэҕэ. Бу туһунан РФ ИДьМ Тырааныспар управлениетын пресс-сулууспата иһитиннэрэр.

Суудуна хамандыыра эр киһи лүөччүктэр быраас хамыыһыйатын булгуччу ааһыахтаахтарын билэр эрээри, көрдөрүммэтэх. Ол оннугар 25 тыһ.солк. ыспыраапканы атыыласпыт.

Сымыйа докумуону почтанан ыыппыттар. Эр киһи почта салаатыттан кэмбиэри ылан, үлэтигэр салалтаҕа илдьэн туттарбыт.

Быраабы араҥаччылааччылар кэһии тахсыбытын туһунан информацияны туппуттар. Бэрэбиэркэ кэмигэр бу бигэргэтиллибит. Эр киһини тырааныспар полицията туппут

Холуобунай дьыала суукка барбыт.