Хаартыска: "Ил Түмэн"
Сымыыт социальнай суолталаах бородуукталар испииһэктэригэр киирсэр. Онон маҕаһыыннар сыананы олохтуулларыгар булгуччулаах ирдэбиллэри тутуһуохтаахтар.
СӨ сыанаҕа бэлиитикэтин судаарыстыбаннай кэмитиэтэ Дьокуускайдааҕы көтөр фабриката оҥорон таһаарар сымыыттарын сыанатыгар муҥутуур сууманы ааҕан-суоттаан таһаарда.
Эбэн эттэххэ, кэмитиэт сыананы олохтообот, атыы-эргиэн эбилигин бырыһыанын эрэ олохтуур. Сымыыкка эбилик 20%-тан үрдүө суохтаах. Онон киин куоракка сымыыт сыаната:
1-кы категориялаах остолобуой сымыыт — 116,4 солкуобай;
талыллыбыт сымыыт — 129,6 солкуобай буолла.
Бу — Дьокуускайдааҕы көтөр фабрикатын сымыытын сыаната. Маҕаһыыннарга көрдөххө, чахчы, олохтоох фабрика оҥорон таһаарар бородууксуйатыгар, сымыыт сыаната итинтэн үрдээбэт. Онтон атын куораттартан аҕалыллар сымыыттар сыаналара ыараабыт — 140 солкуобайтан саҕаланар. Маны тэҥэ, оҥоһуллубут күнэ-дьыла да ырааппыт — маҕаһыыннар долбуурдарыгар номнуо икки-үс ый сыппыт буолар.
Олохтоох бородууксуйа баара итинэн үчүгэй — сибиэһэй буолар уонна сыаната хонтуруолланар. Тоҕо диэтэр, Дьокуускайдааҕы көтөр фабрикатыгар СӨ бырабыыталыстыбатыттан, олохтоох оҥорон таһаарыыны өйөөһүн чэрчитинэн, хаста да көмө оҥоһуллубута. Фабрика сылга 100-тэн тахса мөлүйүөн сымыыты оҥорон таһаарар.
Билигин маҕаһыыннарга сымыыт арааһа дэлэй, ханна да дэписсиит буолбута биллибэт.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…