Хаартыска уонна видео: Елена Потоцкая.
Бэҕэһээ, ыам ыйын 25 күнүгэр, Дьокуускай куорат Сынньалаҥ пааркатыгар Оһуохай күнүн бэлиэтиир тэрээһин буолан ааста.
Оһуохай түмсүү баһылыга Александр Данилов дьонун-сэргэтин кытта бииргэ оһуохайдаста.
Александр Джурович оһуохай туһунан санаатын маннык үллэһиннэ:
— 2017 сылтан ыла оһуохай дархан этээччилэрэ Оһуохай күнүн олохтуурга туруорсубуттара. Онуоха былырыыҥҥыттан ыла бу маннык суолталаах күнү бэлиэтиир ыйаахха илии баттаабытыгар Ил Дархаммытыгар Айсен Николаевка махтанабыт. Бу тэрээһин суолтата наһаа улахан. Сайдыы саҕыллар. Улуустарга барытыгар, хас биирдии нэһилиэк аайы биирдии оһуохай этээччи баар буолуон наада.
«Өймөкөөн» кэмиэрчэскэйэ суох уопсастыбаннай тэрилтэ бырабылыанньатын чилиэннэрэ Оһуохай түмсүү баһылыга Александр Даниловы кытта көрсөн, оһуохай суолтатын туһунан ырыттылар.
Александр Джурович «былыр оһуохай эдэр дьон ыал буолууларын уонна демографическай боппуруоһу быһаарар суолталаах этэ» диэн эппитин уопсастыбанньыктар ордук кэрэхсээтилэр. Иһигэр киирдэххэ, кырдьык да, оһуохай дириҥ философиялаах эбит.
Александр Джурович «Саха сиригэр хас оҕолоох ыаллар баалларын статистика үлэһиттэрэ ааҕан тураллар. Онно ордук Ньурба, Сунтаар, Үөһээ Бүлүү улуустарыгар 1000-тан тахса дьиэ кэргэҥҥэ элбэх оҕолоохторо көстөн тахсыбыттара. Атын улуустар дьиэ кэргэттэрэ иккилии, биирдии оҕолоохтор эбит. Бу Бүлүү улуустара атын улуустартан туох уратылаах буолан элбэх оҕолоннулар? Кинилэр — оһуохайдаахтар. Оҕолорун сайын ыһыаххха илдьэ кэлэн оһуохайдаталлар, билиһиннэрэллэр, күһүн уруу тэрийэллэр. Ыал үөскээн, элбэх оҕолонон барар. Ол иһин биһиги хас биирдии улуус бэйэтэ Дархан этээччилээх буоларын ситиһэ сатыыбыт. Үс мөлүйүөн саха үөскээтин, түөрт мөлүйүөн саха төрөөтүн! Доом! » диэбитэ дириҥ ис хоһоонноох эбит.
«Ыам ыйын 25 күнүгэр Дьокуускай куорат Сынньалаҥ пааркатыгар, Оһуохай искибиэригэр субуота уонна өрөбүл аайы күнүс 13:00 чаастан сайыҥҥы Оһуохайга кэлэн ыллааҥ-туойуҥ, сэргэхсийиҥ» диэн киин куорат олохтоохторун уонна ыалдьыттарын ыҥырда Оһуохай түмсүү баһылыга Александр Данилов-Дьулуур Хан.
Дьокуускай куоракка биир күн иһигэр итирик туруктаах суоппардартан сылтаан икки суол быһылаана буолла. Бу туһунан…
Бүгүн, алтынньы 13 күнүгэр, Үөһээ Бүлүүгэ анал байыаннай дьайыы хонуутугар дьоруойдуу олохторун толук уурбут байыастар…
Саха сирин быраастара ДЦП-нан ыалдьар оҕолору ботулиновай терапия көмөтүнэн эмтиир буоллулар. Бу маннык диагнозтаах ыарыһах…
Алтынньы 3 күнүгэр Дьокуускай куорат биир дьиэтигэр 40 саастаах дьахтар уонна 11 саастаах уол оҕо…
Быйыл оҕолорго, төрөппүттэргэ анаан сыллата тэриллэр TO:KU FEST - сахалыы ойуулук түһүлгэтэ икки сиргэ буолуоҕа.…
"Үрүҥ хаар алгыһа" норуоттар икки ардыларынааҕы бэстибээл быйыл ахсыс төгүлүн ыытыллар. Урукку сылларга Казахстантан кыттааччылар…