Сүппүт дьахтар ханна сылдьыбыта билиннэ

Бу күннэргэ социальнай ситимнэринэн Дьокуускай куорат олохтооҕо, 43 саастаах дьахтар, сүппүтүн туһунан иһитиннэрии тарҕаммыта. Үгүс дьон ону ааҕан долгуйбуттара.

Тохсунньу 17 күнүгэр полиция 4-с нүөмэрдээх отделын дьуһуурунай чааһыгар ийэтин сүтэрбит куорат олохтооҕуттан сайабылыанньа киирбит. Онон  тута холуобунай ирдэбил үлэһиттэрэ суһал-ирдиир үлэ ыытаннар,  43 саастаах дьахтар ханна баарын быһаарбыттар. Ол курдук сүппүт дьахтар табаарыһыгар ыалдьыттыы сылдьыбыт эбит. Бу туһунан ИДьМ Дьокуускайдааҕы управлениетын пресс-сулууспата иһитиннэрдэ.