Сүппүт дьон көһүннүлэр

ИДЬМ пресс-сулууспата иһитиннэрбитинэн, Дьокуускай куоракка уоннуу хонук устута сүтэ сылдьыбыт дьахталлар көстүбүттэр.

Эдэр дьахталлар сүппүттэрин туһунан кинилэр ийэлэрэ полицияҕа көмө көрдөөн биллэрбиттэр. Ол курдук 36 саастаах дьахтары балыыһаттан булбуттар. Кини уһун кэм устата  аһыы утаҕынан үлүһүйэ сылдьыбыт, доруобуйата эмсэҕэлээн балыыһаҕа киирбит. Онтон 32 саастаах дьахтар ааспыт ыйтан сүппүт. Эмиэ көстүбүт.

42 саастаах уолун ийэтэ көрдөөн аймаммыт. Уола эмиэ аһыы утаҕынан үлүһүйэ сылдьыбыт, ийэтигэр сибээскэ тахсарын туһунан умнубут. Оттон 45 саастаах эр киһи сүппүтүн туһунан кини уола полицияҕа биллэрбит. Эр киһи дьиэтигэр төннүбүт.

Бу дьон бары аһыы утаҕынан , көҥүл уонна эппиэтинэһэ суох олоҕунан олорбут кэмнэригэр чугас дьонноро сүтүктээн полицияҕа биллэрбиттэр.