СИА хаартыската.
Бу күннэргэ социальнай ситимнэринэн куоракка хас да киһи сүппүтүн туһунан иһитиннэриилэр тарҕаннылар.
Билигин халлаан тымныйан, киһи ордук куттанар. Онон тымныы кэмнэргэ сэрэниэххэ наада. Тымныы оҕолорго кутталлааҕын өйдүөх тустаахпыт. Ону тэҥэ, аһыы утаҕы иһэн баран, тымныыга атах балай барбыттарга эмиэ сэрэхтээх. Аһыы утаҕы аһара иһэн баран, охтубут дьону тымныы хайдах да бырастыы гыммат.
Санатар буоллахха, ааспыт сууккаҕа «Якутское» ИДьМ полициялара үс киһи сүппүтүн көрдөөтүлэр, ол иһигэр сааһын ситэ илик оҕо баар. Үөрэх кыһатын уопсайыгар олорор 17 саастаах үөрэнээччи биэс күн устата ханна баарын туһунан эппэтэх. Полиция үлэһиттэрэ көрдөөбүттэр уонна уол Бүлүү улууһун биир нэһилиэгэр эбээтигэр баара биллибит. Уол үөрэҕин тохтоторго быһаарыммыт, ол туһунан үөрэх салалтатыгар биллэрбэтэх, онон учууталлары куттаабыт.
18 саастаах устудьуон кыыһы эмиэ үөрэх кыһатыгар сүтэрбиттэр. Тоҕо диэтэххэ, үөрэҕэр ый курдук көстүбэтэх. Кэлин тиһэҕэр биллибитинэн, кыыс олоҕор уларыйыы тахсыбытын туһунан чугас дьонугар да, учууталларга да иһитиннэрбэтэх. «18 саастаахпын» диэбит, кини чугас баар сэлиэнньэҕэ уолугар тиийэн ый курдук буолбутун полиция үлэһиттэрэ быһаарбыттар. Онон бу курдук араас балаһыанньалар тахсыталыыллар.
Онон ханна эрэ эмискэ барар буоллаххытына, ол туһунан, саатар, чугас дьоҥҥутугар билиһиннэрэргит ордук этэ.
2025 сыл түмүгүнэн Алмазэргиэнбаан дойду үп ырыынагар бигэ тирэхтэннэ уонна Арассыыйа топ-100 баанын иһигэр киирдэ.…
Саҥа сылы көрсө бүгүн, ахсынньы 19 күнүгэр, Ил Дархан Айсен Николаев РФ уонна Саха Өрөспүүбүлүкэтин…
Бэйэлэрин кыайан туттуммат дьоҥҥо Госдума маннык сокуону ылынна. Азартаах оонньуулартан босхолонуон баҕарар киһи бэйэтигэр бобууну…
Быйыл Саха сирин оскуолаларыгар мэдиссиинэ хосторун үлэлэрин сөргүттүлэр. Маннык үлэни саҕалыырга Ил Дархан Анал этиитэ…
Кытыйа, хамыйах арааһын билэҕин дуо? Маны көр. Кытыйа арааһа Кытыйа - миискэ курдук дьоҕус мас…
Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…