Хаартыска: Людмила Попова.
Бэҕэһээ, тохсунньу 3 күнүгэр, Бүлүүлүүр суолга эр киһи сүппүтүн туһунан суруйан турабыт. СӨ Быыһыыр сулууспата иһитиннэрбитинэн, 22.45 ч. быыһааччылар 1983 с.т. сүппүт эр киһи өлүгүн буллулар.
Быыһааччылар кэпсээбиттэринэн, өлбүт киһиэхэ охтуу, сууллуу бэлиэлэрэ бааллар. Салгыы полиция тугун-ханныгын быһаарсыаҕа.
Санатан эттэххэ, бэҕэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол 18-с уонна 34-с килэмиэтирдэрин икки ардыгар, 1983 сыллаах төрүөх эр киһи сүппүтүн туһунан иһитиннэрии киирбит.
Ол курдук эр дьон «Infiniti» массыынанан, аара суолга эрдэ хаалларбыт УАЗ массыыналарын ыла кэлбиттэр. Массыына суоппара, суолтан туораан ойуур иһинэн 5 килэмиэтири айаннаан баран, салгыы барартан аккаастаабыт. Ол иһин эр дьон сатыы барбыттар, айаннаан истэхтэринэ суотабай төлөпүөннэрин сэрээтэ олорбут. Сатыы хааман испит дьон муммуттар, массыынаҕа тиийбэтэхтэр. Эр дьонтон биирдэстэрэ хаамарын ыарырҕаппыт, онон кэнники хаалбыт.
Быһа холоон сарсыарда 10-11 чааска биирдэстэрэ иннин диэки бара турарга санаммыт, хаалан иһэр киһитигэр кини хаампыт суолун батыһарга эппит. Түмүгэр инники хаампыт киһи өссө да син өр мээнэ хаампыт, тыраасса солооһунугар тахсыбыт. Суолга тахсан айаннаан иһэр массыынаны тутан «Абырал» санаторийга тиийбит уонна көмөнү ыҥырбыт.
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…
Ааспыт сууккаҕа Мииринэй улууһугар киһи эчэйиилээх баһаар таҕыста. Бу туһунан ЫБММ Саха сиринээҕи салаатын пресс-сулууспата…
Ааспыт сууккаҕа Саха сиригэр буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…