Хаартыска: СИА
Хаҥалас уонна Мииринэй оройуоннарыгар эрдэҕэс саастаах оҕолор сүппүттэрин туһунан иһитиннэрбиттэр. Бу туһунан СӨ Быыһыыр сулууспатын телеграм-ханаала суруйар.
Ыам ыйын 19 күнүгэр Мохсоҕоллооххо 13 чааска 12 саастаах уол оҕо дьиэтиттэн оонньуу барбыт. Ыам ыйын 20 күнүгэр 06:50 чааска кини сүппүтүн туһунан иһитиннэрии киирбит. Оҕо доруобуйатыгар кыһалҕалардаах, суотабай төлөпүөнэ суох барбыт диэбиттэр. Хаҥаластааҕы ИДьМ 25 үлэһитэ көрдөөбүт. 07:22 чааска уолу Мохсоҕоллоох пааркатыттан булбуттар. Доруобуйатын туруга этэҥҥэ, мэдиссиинискэй көмөҕө наадыйбатах.
Ыам ыйын 19 күнүгэр Мииринэй оройуонун Светлай бөһүөлэгэр 2010 с.т. оҕо 10:29 чааска дьиэтиттэн тахсан барбыт. 22:40 чааска Биир кэлим дьуһуурунай-диспетчер систиэмэтин электроннай почтатыгар оҕо сүппүтүн туһунан иһитиннэрии киирбит. Ийэтэ эппитинэн, оҕо күүлэйдии сылдьан доҕорун көрсүбүт. Дьиэтиттэн хаста даҕаны бара сылдьыбыт.
Оҕону полиция 12 үлэһитэ, 6 ЫБММ үлэһитэ уонна түөрт олохтоох көрдөөбүттэр. Уол төлөпүөнэ арахса сылдьыбыт, онтон холбоммут, онно эрийэ сатаабыттарын эппиэттээбэтэх.
Уолу 04:20 чааска доҕорун кытта даачаттан булбуттар. Доруобуйатын туруга этэҥҥэ.
Бу нэдиэлэҕэ үп-харчы эйгэтигэр ураты кэм буолуо. Үгүс бэлиэлэргэ саҥа кыахтар арыллыахтара, ол эрээри сыыһа-халты…
Дьокуускай куорат полициятын бастакы нүөмэрдээх отделын дьуһуурунай чааһыгар үрүҥ көмүс таастаах биһилэҕин уордарбыт киһиттэн сайабылыанньа…
Тааттаҕа "Манчаары оонньууларыгар" түмсүбүт ыалдьыттар тугу көрүөхтэрин сөп эбитий? Манна көрүҥ. Видеоны бэлэмнээтэ Лия Заровняева.
Федерация Сэбиэтигэр Арассыыйа миграцияҕа судаарыстыбаннай бэлиитикэтин сокуон өттүнэн хааччыйыыга анаммыт “төгүрүк остуол” ыытылынна. “Төгүрүк остуолу”…
От ыйын 7 күнүнээҕи туругунан, өрөспүүбүлүкэ сиригэр-уотугар ойуурга уонна сиринэн умайыы бэлиэтэммэтэ. Бу туһунан өрөспүүбүлүкэ…
Быйылгы Туймаада ыһыаҕын «Дыгын оонньууларын» кыайыылааҕынан Амма Чапчылҕанын уола Борис Сдвижков буолбута. Бу күннэргэ кыайыылааҕы…